![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
කාදිනල් තුමා පල්ලියට ගියෙ නැත්තේ බෝම්බ ගහන නිසා නෙවෙයි... කොහොමත් එදාට යන්නේ නෑ - සිරිල් ගාමිණි පියතුමා
අතිඋතුම් මැල්කම් කාදිනල් රංජිත් හිමිපාණන් පාස්කු ඉරිදා ත්රස්ත ප්රහාරය පිළිබඳව කලින් දැන සිටි බවට සමාජ මාධ්ය ඔස්සේ සංසරණය වන ප්රකාශ සම්පූර්ණයෙන්ම පදනම් විරහිත සහ අසත්ය බව කොළඹ අගරදගුරු පදවියේ මාධ්ය ප්රකාශක ගරු සිරිල් ගාමිණි පියතුමා නිවේදනයක් නිකුත් කරමින් ප්රකාශ කරයි.
හිටපු මන්ත්රී හරින් ප්රනාන්දු මහතා විසින් 2020 වසරේදී පාස්කු ප්රහාරය පිළිබඳ ජනාධිපති කොමිෂන් සභාව හමුවේ සිදුකළ ප්රකාශයක් මුල් කර ගනිමින් මෙම අසත්ය තොරතුරු යළි සමාජගත වෙමින් පවතින බව සභාව පෙන්වා දෙයි. මෙම ප්රකාශවල අසත්ය බව 2020 වසරේ සැප්තැම්බර් මාසයේදී සහයක රදගුරු හිමිවරුන්ගේ අත්සනින් නිකුත් කළ මාධ්ය නිවේදනයක් මගින් මීට පෙරද පැහැදිලි කර ඇති බව කතෝලික සභාව සිහිපත් කරයි.
පාස්කු ප්රහාරයේ සත්යය සොයාගැනීම සහ සැබෑ අපරාධකරුවන් නීතිය හමුවට පැමිණවීම සඳහා සිදුවන විමර්ශනවලට බාධා කිරීම මෙවැනි අසත්ය ප්රචාරවල සැඟවුණු අරමුණ බව පෙනී යන බව කතෝලික සභාවේ ස්ථාවරයයි. ආරක්ෂක අංශ වෙත ලැබුණු බුද්ධි තොරතුරු පිළිබඳව කාදිනල් හිමිපාණන් දැනුවත්ව සිටි බවට සමාජ මාධ්යයේ පළවන මතවාද ද සම්පූර්ණයෙන්ම ප්රතික්ෂේප කරමින් සභාව පවසන්නේ, දේශපාලනික සහ විමර්ශනගත ක්රියාවලීන් අවුල් කිරීම සඳහා මෙවැනි අසත්ය තොරතුරු හිතාමතාම පතුරුවා හරින බවයි. සමාජයේ බුද්ධිමත් ජනතාව මෙවැනි පදනම් විරහිත ප්රචාරවලට නොරැවටෙන ලෙස කතෝලික සභාව වැඩිදුරටත් ඉල්ලා සිටී.
සත්ය විමර්ශන ක්රියාවලියට මෙවැනි අසත්ය තොරතුරු මගින් එල්ල කරනු ලබන බලපෑම රටේ ජාතික ආරක්ෂාව සහ යුක්තිය පසිඳලීමේ ක්රියාවලිය සම්බන්ධයෙන් මතුව ඇති බරපතළ කාරණයක් බව පැහැදිලිය. සිද්ධියේ සැබෑ වගඋත්තරකරුවන් හෙළිදරව් කර ගැනීම අරමුණු කරගත් නීතිමය සහ දේශපාලනික ක්රියාමාර්ග අඩපණ කිරීමට මෙවැනි ප්රචාර මගින් උත්සාහ කරන්නේ නම්, එය සමස්ත නීති පද්ධතියටම එල්ල වන අභියෝගයකි. සමාජ මාධ්ය හරහා සිදු කෙරෙන මෙවැනි සාවද්ය තොරතුරු ප්රචාරණය වැළැක්වීමට සහ විමර්ශනවල ස්වාධීනත්වය රැක ගැනීමට අදාළ වගකිවයුතු ආයතන කඩිනමින් මැදිහත් වීම අත්යවශ්ය කරුණක් බව නීති විශාරදයින් සහ දේශපාලන විචාරකයින්ගේ අදහසයි.
මේ පුවත තව අයට බලන්න
