ඉරාන මිසයිල ප‍්‍රහාර වීඩියෝ කල ලාංකියන් පිරිසක් ඩුබායි පොලිස් අත්අඩංගුවට!

ඉරානයෙන් ඩුබායි රාජ්‍යය ඉලක්ක කර ගනිමින් වරින් වර දියත් කෙරෙන මිසයිල ප්‍රහාර හේතුවෙන් සිදුවන දේපළ හානි දර්ශන වීඩියෝ ගත කොට, ඒවා සමාජ මාධ්‍ය වෙත මුදාහැරීමේ සහ අනෙකුත් පාර්ශවයන් වෙත හුවමාරු කිරීමේ චෝදනා මත ඩුබායි ආරක්ෂක අංශ භාරයට ගෙන සිටි ශ්‍රී ලාංකිකයන් නව දෙනෙකු (09) ඉදිරි දිනවලදී මෙරටට පිටුවහල් කිරීමට නියමිත බව බණ්ඩාරනායක ජාත්‍යන්තර ගුවන්තොටුපළ ආරංචි මාර්ග හෙළි කරයි.

මෙලෙස නීතිමය පියවරයන්ට මුහුණ දී සිටින ශ්‍රී ලාංකිකයන් පිරිස රැකියා සඳහා ඩුබායි වෙත ගොස් සිටි ශ්‍රමිකයන් බව වාර්තා වේ.

රාජ්‍ය ආරක්ෂාවට තර්ජනයක් වන අයුරින් දර්ශන පටිගත කර ප්‍රසිද්ධ කිරීමේ මෙම වරදටම හසුවී මීට ඉහතදී එරට පොලිසිය විසින් අත්අඩංගුවට ගෙන රක්ෂිත බන්ධනාගාරගත කර සිටි තවත් ශ්‍රී ලාංකිකයන් විසිහය දෙනෙකු (26) අවස්ථා දෙකකදී මෙරටට හරවා එවා තිබුණි

මේ පුවත තව අයට බලන්න