පොලිසිය සහ විමල් වීරවංශ ප්‍රමුඛ කණ්ඩායම අතර නොසන්සුන්කාරී තත්වයක් - විමල් බිම වැටි වැටී ගේම ඉල්ලයි (VIDEO)

යුද ජයග්‍රහණය වෙනුවෙන් ජීවිත පූජා කළ සහ සටන් වැදුණු වීරෝදාර රණවිරුවන් සිහිපත් කරමින් ජාතික නිදහස් පෙරමුණ (JNP) විසින් බත්තරමුල්ල රණවිරු ස්මාරකය අබියස අද (18) සංවිධානය කර තිබූ සැමරුම් උත්සවය අතරතුරදී දැඩි උණුසුම් සහ නොසන්සුන් තත්ත්වයක් නිර්මාණය විය.

මෙම නොසන්සුන් තත්ත්වය හටගත්තේ ජාතික නිදහස් පෙරමුණේ නායක විමල් වීරවංශ මහතා ඇතුළු දේශපාලන ක්‍රියාකාරීන් පිරිසට රණවිරු ස්මාරකය පිහිටි ප්‍රධාන භූමිය වෙත ඇතුළු වීමට එහි ආරක්ෂාවට සිටි පොලිස් නිලධාරීන් විසින් අවසර ලබානොදීමත් සමඟය. එහිදී එම පිරිස සහ පොලිසිය අතර පැයකට ආසන්න කාලයක් දැඩි බහින්බස්වීමක් ද සිදුව තිබේ.

කෙසේ වෙතත්, පොලිසිය විසින් පැනවූ විවිධ බාධා කිරීම් සහ දැඩි ආරක්ෂක වටපිටාව මධ්‍යයේ වුව ද, විමල් වීරවංශ මහතා ඇතුළු පිරිස රණවිරු ස්මාරකය වෙත ගොස් පුෂ්පෝපහාර දැක්වීමට කටයුතු කළ බව වාර්තා වේ.

මේ පුවත තව අයට බලන්න

Facebook එකට
Share කරන්න WhatsApp එකට
Share කරන්න