හිටපු අමාත්‍ය සරණ ගුණවර්ධනගේ නඩු 04ක තීන්දුව අද ප්‍රකාශයට පත් කරයි

සංවර්ධන ලොතරැයි මණ්ඩලයේ සභාපතිවරයා ලෙස කටයුතු කළ සමයේ නිසි ක්‍රියා පටිපාටියෙන් බැහැරව වාහන 11ක් කුලී පදනම මත ලබාගෙන රජයට රුපියල් ලක්ෂ 114කට අධික පාඩුවක් සිදුකිරීමේ චෝදනාව යටතේ හිටපු නියෝජ්‍ය ඇමැති සරණ ගුණවර්ධන මහතාට එරෙහිව පවරා ඇති අල්ලස් නඩු 4ක තීන්දු අද (26) කොළඹ මහාධිකරණයේදී ප්‍රකාශ කිරීමට නියමිතය.

මෙම නඩුවල තීන්දුව පසුගිය අප්‍රේල් මස 30දා ප්‍රකාශයට පත් කිරීමට නියමිතව තිබුණද, එදිනට අදාළ නඩු තීන්දු සූදානම්ව නොතිබීම හේතුවෙන් කොළඹ මහාධිකරණ විනිසුරු මොහොමඩ් මිහායිල් මහතා විසින් අද (26දා) ප්‍රකාශයට පත් කරන බව දැනුම් දුන්නේය.

විත්තිකරු සංවර්ධන ලොතරැයි මණ්ඩලයේ සභාපතිවරයා වශයෙන් කටයුතු කරමින්, නිසි කාර්යපටිපාටියෙන් බැහැරව අත්පිට මුදලට වඩා වැඩි වටිනාකමකට කුලී පදනම මත එම ආයතනයට වාහන ලබා ගැනීමෙන් රජයට පාඩු කළ බවට චෝදනා කර මෙම නඩු ගොනුකර ඇත.

මේ පුවත තව අයට බලන්න