![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
එල්ටීටීඊය බේරා ගැනීමට බටහිරින් ආ කොන්ත්රාත්තුවට ජවිපෙ - මගල දායක වූ ආකාරය හිටපු බුද්ධි නිලධාරියෙකු පවසයි
ශ්රී ලංකා දේශපාලන ඉතිහාසයේ ත්රස්තවාදය පරාජය කිරීමේ තීරණාත්මක යුගයට පෙරළියක් ඇති කළ, මෙතෙක් කල් රටට රහසක්ව පැවති අතිශය ආන්දෝලනාත්මක අයවැය කුමන්ත්රණයක් පිළිබඳව හිටපු ඉහළ බුද්ධි අංශ නිලධාරියෙකු වන කීර්ති රත්නායක මහතා විසින් විශේෂ අනාවරණයක් සිදු කර තිබේ.
ඒ මහතා පෙන්වා දෙන්නේ වසර 2005-2007 කාලසීමාව තුළ තමන් එවකට මෙරට ප්රමුඛ රාජ්ය නොවන සංවිධාන ක්රියාකාරිකයෙකු වූ ආචාර්ය කුමාර රූපසිංහ මහතාගේ ඉහළ බුද්ධි අංශ නිලධාරියා ලෙස කටයුතු කළ බවයි.
එකල ඇමරිකාව, නෝර්වේ සහ ඉන්දියාව වැනි විදේශීය බලවතුන් සමඟ එක්ව මෙරට සටන් විරාම ගිවිසුමට පහසුකම් සැපයූ කුමාර රූපසිංහ මහතා, 2005 වසරේදී ජනතා විමුක්ති පෙරමුණේ (JVP) සහයෝගයෙන් මහින්ද රාජපක්ෂ මහතා ජනාධිපතිවරණය ජයගැනීමෙන් පසු ඇතිවූ දේශපාලන වටපිටාව පිළිබඳව සියලු රහස් හෙළි කර ඇත.
ජනාධිපති මහින්ද රාජපක්ෂ මහතා බලයට පත්වීමෙන් අනතුරුව එවකට පැවති සටන් විරාම ගිවිසුම මුළුමනින්ම ප්රතික්ෂේප කරමින්, එල්.ටී.ටී.ඊ. ත්රස්තවාදයට එරෙහිව දැවැන්ත මිලිටරි ක්රියාන්විතයකට යාමට සැලසුම් සකස් කර තිබුණි.
මෙම මිලිටරි සැලසුම කෙසේ හෝ නතර කරන ලෙස බටහිර රටවල් විසින් කුමාර රූපසිංහ මහතා වෙත දැනුම් දී තිබූ අතර, එම බටහිර කොන්ත්රාත්තුව ක්රියාවට නංවමින් 2006 වසරේ රජයේ අයවැය පාර්ලිමේන්තුවේදී පරාජය කර ආණ්ඩුව පෙරළීමට කුමාර රූපසිංහ මහතා රහසිගත සැලසුමක් දියත් කර ඇත.
මෙම ආණ්ඩු පෙරළීමේ කුමන්ත්රණය සඳහා ඔහු එවකට දේශපාලනයේ නිරත වූ අනුර බණ්ඩාරනායක, මංගල සමරවීර සහ ජනතා විමුක්ති පෙරමුණේ ඉහළ නායකත්වයන් සමඟ සාකච්ඡා පවත්වා අවසන් එකඟතාවයකට පවා පැමිණ සිටි බව හිටපු බුද්ධි නිලධාරියා අනාවරණය කරයි.
එදා 2006 අයවැය විවාදයේදී ජවිපෙ විපක්ෂය සමඟ එකතු වී ආණ්ඩුව පෙරලනු ඇතැයි විජාතික බලවේග දැඩි ලෙස ඇඟිලි ගනිමින් බලා සිටි මොහොතක, පාර්ලිමේන්තුව ඇමතූ එවකට ජවිපෙ පාර්ලිමේන්තු කණ්ඩායම් නායක විමල් වීරවංශ මහතා දැඩි දේශප්රේමී ස්ථාවරයක සිටිමින් එම තීරණාත්මක කුමන්ත්රණය මුළුමනින්ම ව්යර්ථ කර තිබේ.
මහින්ද රාජපක්ෂ මහතාගේ ආණ්ඩුව බිඳ දැමීම යනු රට, ජාතිය සහ බෞද්ධ සංස්කෘතිය දැඩි අනතුරක හෙළීමක් බව ප්රකාශ කරමින් විමල් වීරවංශ මහතා එදා අයවැය පැරදවීමේ කුමන්ත්රණය පරාජය කළ බව කීර්ති රත්නායක මහතා පෙන්වා දෙයි. එපමණක් නොව, විමල් වීරවංශ මහතා පක්ෂය තුළ සිටිමින්, උපක්රමශීලීව කටයුතු කර, අනුර බණ්ඩාරනායක පාර්ශ්වයේ සහායද මහින්ද රාජපක්ෂ මහතා වෙත ලබාදීමට කටයුතු කළද, පසුව 2008 වන විට පක්ෂය තුළ ඇතිවූ දේශපාලන මතභේද හමුවේ අනුර කුමාර දිසානායක පාර්ශ්වය බලවත් වීම නිසා විමල් වීරවංශ මහතාට ජවිපෙන් ඉවත්වීමට සිදුවූ බවත්, පසුගියදා රණවිරුවන් සැමරීමට ගත් උත්සාහයකදී ඔහු පොලිසිය සමඟද ගැටුමක් ඇති කරගත් බවත් රත්නායක මහතා වැඩිදුරටත් සඳහන් කරයි.
උපුටා ගැනීම : facebook
මේ පුවත තව අයට බලන්න
