NDB බැංකුවේ රු.මිලියන 380ක වංචාවක්!... බාහිර පාර්ශව සමග එක්ව සේවකයන් සිදුකළ වැඩක්!.. මහබැංකුවටත් දැනුම්දීලා!

ජාතික සංවර්ධන බැංකුව (NDB බැංකුව) විසින් එහි සේවකයින් කිහිපදෙනෙකු බාහිර පාර්ශවයන් සමඟ එක්ව කරන ලද වංචාවක් පිළිබදව අනාවරණය කර ඇත. මුල් ඇස්තමේන්තුවලට අනුව එම වංචාවෙන් සිදුව ඇති පාඩුව රුපියල් මිලියන 380ක් පමණ විය හැකිය.

බැංකුව මෙම ගැටළුව පිළිබඳව කොළඹ කොටස් වෙළඳපොළට දැනුම්දී ඇති අතර දැනටමත් විමර්ශනය සඳහා පොලිසියට වාර්තා කර ඇත.

අහිමි වූ සම්පූර්ණ මුදල තවමත් නිශ්චිත නොවන බව NDB බැංකුව පවසයි.

දැනට සිදුවෙමින් පවතින පරීක්ෂණවල ප්‍රතිඵල මත පදනම්ව අවසාන අලාභය වැඩිවිය හැකිය.

වංචාව සිදුකිරීම සඳහා ඇතැම් සේවකයන් තෙවැනි පාර්ශවයන් සමඟ කටයුතු කර ඇති බව බැංකුව පවසයි.

මේ පිළිබඳව ශ්‍රී ලංකා මහ බැංකුවට ද දන්වා ඇත.

ඕනෑම හානියක් අවම කිරීමට සහ වගකිව යුතු අයට එරෙහිව පියවර ගැනීමට බලධාරීන් සමඟ පූර්ණ සහයෝගයෙන් කටයුතු කරන බව NDB බැංකුව සඳහන් කරයි.

මෙම තත්ත්වය තිබියදීත්, ගනුදෙනුකරුවන්ට ඔවුන්ගේ මුදල් සහ ගිණුම් ආරක්ෂිත බවත්, සාමාන්‍ය බැංකු කටයුතු කිසිදු ගැටළුවක් නොමැතිව සිදුවන බවත් බැංකුව සහතික වෙයි.

අධ්‍යක්ෂ මණ්ඩලය වෙනුවෙන් උප සභාපති සහ සමාගම් ලේකම් ෂෙහානි රණසිංහ විසින් මෙම ප්‍රකාශය නිකුත්කර ඇත.

මේ පුවත තව අයට බලන්න