ගල් අඟුරු ටෙන්ඩරයේ ‘බැක් ඩේට්’ කෙරුවාව එලියට... ජනපති හා ධම්මිකත් ගෑවෙන හඬපටයක් එළියට!

ගල් අඟුරු සමාගමේ ඉහළ නිලධාරියෙකු සම්බන්ධ ආන්දෝලනාත්මක හඬපටයක් පිළිබඳව ප්‍රකට මාධ්‍යවේදී උවිඳු කුරුකුලසූරිය මහතා සිය සමාජ මාධ්‍ය ගිණුම හරහා විශේෂ අනාවරණයක් සිදුකර ඇත.

පසුගියදා ලබාදුන් ගල් අඟුරු ස්පොට් ටෙන්ඩරය ලබාදීමේදී සිදුකළ අක්‍රමිකතාවක් පිළිබඳව මෙහිදී කරුණු අනාවරණය වේ.

මෙම ගල් අඟුරු ස්පොට් ටෙන්ඩරය පිරිනමා ඇත්තේ 'හේලීස්' සමාගමට වන අතර, ඒ සඳහා අදාළ ටෙන්ඩර් ලේඛන භාරදී ඇත්තේ නියමිත කාල සීමාව අවසන් වූ පසුව එනම්, නියමිත දිනයට පසු දින ලබාදුන් මෙම ලේඛන, පැරණි දිනයන් යොදා (Back-dated) වලංගු කිරීමට කටයුතු කර ඇති බව උවිඳු කුරුකුලසූරිය මහතා පෙන්වා දෙයි.

අදාළ හඬපටයේ සිටින ගල් අඟුරු සමාගමේ උසස් නිලධාරියා පවසන්නේ තමන් බේරාගැනීමට ජනාධිපතිවරයාව සහ ධම්මික පෙරේරා මහතා කටයුතු කරන බවත් මීට අමතරව තවත් ප්‍රකට පුද්ගලයෙකුගේ නමක් ද එහි සඳහන් වන බව කුරුකුලසූරිය මහතා වැඩිදුරටත් සඳහන් කරයි.

"ගල් අඟුරු එකේ ලොක්කෙක්ගේ වොයිස් රෙකෝඩින් එක ඇහැව්වද? බැක් ඩේට් කරලා සිදු කරපු හැටි තමා මේ තියෙන්නේ."

(මීට අදාල හඬ පටයක් මේ වන විටත් සමාජ ජාලවල හුවමාරු වෙමින් පවතී.)