![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
භාණ්ඩාගාර කොල්ලය ගැන ජනාධිපති විශේෂ ප්රකාශයක් කරන්න හදන්නේ... ඊට පෙර කවුරුත් මොනවත් කියන්න හොද නෑ - නි. ඇමතිනි
මුදල් අමාත්යංශ ලේකම් හර්ෂණ සූරියප්පෙරුම මහතා රජයේ මුදල් පිළිබඳ කාරක සභාව (COPF) හමුවේ පෙනී සිටීම ප්රතික්ෂේප කර නොමැති බව ජනමාධ්ය නියෝජ්ය අමාත්ය කෞෂල්යා ආරියරත්න මහත්මිය ප්රකාශ කළාය.
ඇය මේ බව කියා සිටියේ, (30) පැවැත්වීමට නියමිත කාරක සභා හමුවට භාණ්ඩාගාර ලේකම්වරයා සහභාගී නොවන බවට එහි සභාපති ආචාර්ය හර්ෂ ද සිල්වා මහතා කළ ප්රකාශයට පිළිතුරු දෙමිනි.
අමෙරිකානු ඩොලර් මිලියන 2.5ක මුදලක් අස්ථානගත වීමේ සිද්ධියට අදාළව කරුණු විමසීම සඳහා ලේකම්වරයා ඇතුළු මුදල් අමාත්යාංශ නිලධාරීන් කැඳවා තිබුණි.
අදාළ සිදුවීමට පාදක වූ සයිබර් ප්රහාරය සම්බන්ධයෙන් ජනාධිපති අනුර කුමාර දිසානායක මහතා ඉදිරි දිනකදී පාර්ලිමේන්තුවට විශේෂ ප්රකාශයක් කිරීමට නියමිතය.
ජනාධිපතිවරයා විසින් කරුණු පැහැදිලි කිරීමට ප්රථම, භාණ්ඩාගාර ලේකම්වරයා ඒ සම්බන්ධයෙන් කාරක සභාව හමුවේ කරුණු ඉදිරිපත් කිරීම උචිත නොවන බව නියෝජ්ය අමාත්යවරිය පෙන්වා දෙයි.
නියෝජ්ය අමාත්යවරිය අවධාරණය කළේ, මෙය හමුව මගහැරීමක් නොව ජනාධිපතිවරයාගේ ප්රකාශයෙන් අනතුරුව නිසි පරිදි කරුණු ඉදිරිපත් කිරීම සඳහා ගත් තීරණයක් බවයි.
ඒ අනුව ජනාධිපතිවරයාගේ සභාව ඇමතීමෙන් පසුව ලේකම්වරයා කාරක සභාව හමුවේ පෙනී සිටිනු ඇත.
මේ පුවත තව අයට බලන්න
