QR කේතය යටතේ ලබා දෙන ඉන්ධන කෝටාව ඉහළට

ජාතික ඉන්ධන බලපත්‍ර (QR) පද්ධතිය යටතේ මෙතෙක් ලබාදුන් සතිපතා ඉන්ධන කෝටාව අද මධ්‍යම රාත්‍රියේ සිට ක්‍රියාත්මක වන පරිදි ඉහළ නැංවීමට ලංකා ඛනිජ තෙල් නීතිගත සංස්ථාව පියවර ගෙන ඇත. පොදු ප්‍රවාහන සේවා මෙන්ම පෞද්ගලික වාහන හිමියන්ට සහනයක් සැලසෙන පරිදි මෙම සංශෝධනය සිදුකර ඇති අතර, වාහන කාණ්ඩ රැසක කෝටාවන් මෙලෙස ඉහළ දමා තිබේ.

නව සංශෝධනයට අනුව ඉන්ධන කෝටාවන් පහත පරිදි වේ:

බස් රථ: සතිපතා කෝටාව ලීටර් 40 කින් ඉහළ දමා ඇති අතර, ඒ අනුව නව කෝටාව ලීටර් 100 කි.

මෝටර් රථ: ලීටර් 15 සිට ලීටර් 25 දක්වා ඉහළ නංවා ඇත.

ත්‍රිරෝද රථ: ලීටර් 5 ක වැඩිවීමක් සමඟ සතිපතා කෝටාව ලීටර් 20 ක් දක්වා ඉහළ ගොස් තිබේ.

මෝටර් සයිකල්: මීට පෙර පැවති ලීටර් 5 ක සීමාව ලීටර් 8 දක්වා වැඩිකර ඇත.

වෑන් රථ: ලීටර් 10 කින් ඉහළ දමා ඇත.

Land Vehicles: ලීටර් 15 කින් ඉහළ නංවා තිබේ.

කෙසේ වුවද, ලොරි රථ සහ විශේෂ කාර්ය වාහන සඳහා දැනට පවතින ඉන්ධන කෝටාවන්හි කිසිදු වෙනසක් සිදු නොවන බව ලංකා ඛනිජ තෙල් නීතිගත සංස්ථාව වැඩිදුරටත් සඳහන් කරයි.