![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
රු.මිලියන 800ක ඛනිජ තෙල් ටෙන්ඩර් වංචාව - රණතුංග සහෝදරයන්ට අධිචෝදනා ගොනුකරයි
ලංකා ඛනිජ තෙල් සංස්ථාවට (CPC) රුපියල් මිලියන 800 ක පමණ මූල්යමය අලාභයක් සිදුකිරීම සම්බන්ධයෙන් හිටපු අමාත්ය අර්ජුන රණතුංග සහ ඔහුගේ සොහොයුරු ධම්මික රණතුංග යන අයට එරෙහිව කොළඹ මහාධිකරණයේ අධිචෝදනා ගොනුකර ඇති බව ශ්රී ලංකා අල්ලස් හෝ දූෂණ චෝදනා විමර්ශන කොමිසම කොළඹ ප්රධාන මහේස්ත්රාත් අධිකරණයට දැනුම් දී තිබේ.
අදාළ කාලසීමාව තුළ රජයට අයත් තෙල් සංස්ථාව විසින් ප්රදානය කරන ලද ටෙන්ඩර් සම්බන්ධයෙන් චෝදනා එල්ල වී ඇති බව අල්ලස් කොමිසම අධිකරණයට පැවසීය.
අර්ජුන රණතුංග එවකට ඛනිජ තෙල් අමාත්යවරයා ලෙස සේවය කළ අතර, ඔහුගේ සොහොයුරු ධම්මික රණතුංග ඛනිජ තෙල් නීතිගත සංස්ථාවේ සභාපතිවරයා වූ බව අධිකරණ වාර්තාවලට අනුව පැවසේ.
මෙම නඩුව සම්බන්ධයෙන් ධම්මික රණතුංග අත්අඩංගුවට ගෙන පසුව ඇප මත මුදාහැර තිබේ.
හිටපු අමාත්ය අර්ජුන රණතුංග දැනට විදේශගතව සිටින අතර, ඔහු ශ්රී ලංකාවට පැමිණි පසු වැඩිදුර නීතිමය ක්රියාමාර්ග ගැනීමට අපේක්ෂා කෙරේ.
නඩුව කොළඹ මහාධිකරණය හමුවේ ඉදිරියට යනු ඇත.
මේ පුවත තව අයට බලන්න
