![Gossip Lanka](https://blogger.googleusercontent.com/img/b/R29vZ2xl/AVvXsEg02eRUfksMWUV-GnxKqzs69wfVrjvq57XWXmtUItM-9CiGBC7v8lNsizQILHlZNPO2g3Vuo7PHDVopP4nXuteLD1QquSg7JiquiZAVPpvFxjjshTVI0Jf7FzRkvbcBhNw7B5i1Y21DlhMVUWumWdURb41Z0NPJehRaheW2GSzUQLyFtIQBgWkmYDXjh5w/s1600/noha-clz.gif"")
ජනතාව බොරුවලට අහුවෙලා පාලකයන් පත්කලා - කොටපිටියේ හිමි
අභාවප්රාප්ත හිටපු අමාත්ය නන්දන ගුණතිලක මහතාගේ දේහය පිළිබඳ අවසන් කටයුතු සිදු කෙරෙන අවස්ථාවේදී අනුශාසනාවක් පවත්වමින් පූජ්ය මහාචාර්ය කොටපිටියේ රාහුල හිමියන් පවසා සිටියේ ඉන්දීය අග්රාමාත්ය නරේන්ද්ර මෝදි මහතා තම රටට සහ සංස්කෘතියට දක්වන ලැදියාව ශ්රී ලංකාවේ පාලකයන්ට කදිම ආදර්ශයක් බවයි.
මෝදි අගමැතිවරයා තමන්ගේ රටට සහ රටේ දේශසීමා රැකගැනීමට දැඩි ලෙස කැපවී සිටින බවත්, එමෙන්ම ඔහු තම සංස්කෘතියට අතිශයින්ම ආදරය කරන බවත් උන්වහන්සේ පෙන්වා දුන්හ.
ලෝකයේ ඕනෑම සීතල රටකට ගියද තම ජාතික ඇඳුම වෙනස් නොකිරීම සහ අවම වශයෙන් තම මව්භාෂාවෙන් වචනයක් හෝ ප්රකාශ කිරීම තුළින් ඔහු සිය ජාතියට හා භාෂාවට දක්වන ගෞරවය මනාව පැහැදිලි වන බවද උන්වහන්සේ සඳහන් කළහ.
තමන්ගේ ආගමට ඉහළින්ම ගරු කරන අතරම අනෙක් ආගම්වලටද මෝදි අගමැතිවරයා ගරු කරන බව රාහුල හිමියෝ පවසති.
මීට මාස කිහිපයකට පෙර හින්දු ආගම වෙනුවෙන් ඔහු මුහුදේ ගිලී සිදුකළ වතාවත්, රටක නායකයෙකු තම ආගම වෙනුවෙන් දක්වන කැපවීමට කදිම නිදසුනක් බව උන්වහන්සේ අවධාරණය කළහ.
ශ්රී ලංකාවේ දේශපාලනයේ නිරත වන සහ රට පාලනය කරන සියලු දෙනා මෝදි අගමැතිවරයාගේ මෙම උදාර ආදර්ශයන් හදවතට ගත යුතු බව උන්වහන්සේ වැඩිදුරටත් පැවසූහ.
ජනතාව ඇතැම් අවස්ථාවල බොරු පොරොන්දු හෝ සුළු සුළු සිල්ලර කරුණු මත පාලකයන් පත් කරගැනීමට පෙළඹීම පිළිබඳව උන්වහන්සේ සිය කණගාටුව පළ කළහ.
පාලකයන් සතු විය යුතු ගැඹුර, රට කෙරෙහි ඇති ආදරය සහ ගෞරවය පිළිබඳව ජනතාව මීට වඩා සැලකිලිමත් විය යුතු බව උන්වහන්සේ පෙන්වා දුන්හ.
වත්මන් පාලකයන් රටේ භෞමික අඛණ්ඩතාව, සංස්කෘතිය, ආගම සහ ජාතිය වෙනුවෙන් ලබා දී ඇති ප්රමුඛතාව පිළිබඳව උන්වහන්සේ සිය අදහස් දැක්වූයේ එය අමුතුවෙන් විස්තර කිරීමට අවශ්ය නොවන තරමට පැහැදිලි බව පවසමිනි.
මේ පුවත තව අයට බලන්න
