ජොන්ස්ටන් සහ පුත්‍රයෝ යළි රිමාන්ඩ්!

හිටපු අමාත්‍ය ජොන්ස්ටන් ප්‍රනාන්දු සහ රක්ෂිත බන්ධනාගාරගත කර සිටි තවත් සැකකරුවන් හතර දෙනෙකු නැවත රක්ෂිත බන්ධනාගාරගත කිරීමට අධිකරණය විසින් නියෝග කර තිබේ.

මෙම සැකකරුවන්ට එරෙහි නඩුව අද (23) කැඳවූ අවස්ථාවේදී මෙම නියෝගය නිකුත් කරන ලදී.

ඒ අනුව, හිටපු අමාත්‍යවරයාගේ පුතුන් දෙදෙනා ඇතුළු සැකකරුවන් ජනවාරි 30 වැනිදා දක්වා රක්ෂිත බන්ධනාගාරගත කිරීමට මහේස්ත්‍රාත්වරයා නියෝග කළේය.

හිටපු අමාත්‍ය ජොන්ස්ටන් ප්‍රනාන්දු සමූපකාර හා අභ්‍යන්තර වෙළඳ අමාත්‍ය ධුරය දැරූ කාලය තුළ සතොස ලොරියක් අවභාවිත කිරීම සම්බන්ධයෙන් ගොනුකර ඇති නඩුවක් සම්බන්ධයෙන් ඔහු ජනවාරි 5 වැනිදා මූල්‍ය අපරාධ විමර්ශන අංශය විසින් අත්අඩංගුවට ගෙන වත්තල මහේස්ත්‍රාත් අධිකරණයට ඉදිරිපත් කරන ලදී.

එම අවස්ථාවේදී, වත්තල මහේස්ත්‍රාත් අධිකරණය ප්‍රනාන්දු සහ අනෙකුත් සැකකරුවන් රක්ෂිත බන්ධනාගාරගත කිරීමට නියෝග කළේය.

මේ පුවත තව අයට බලන්න