සිරස සටන යුද පිටියක් වෙයි... කාලගුණ වීඩියෝ පෙන්න්න ඉඩ දෙන්න බෑ කියයි (VIDEO)

පසුගියදා දිවයිනට බලපෑ සුළු කුණාටු තත්ත්වය සහ ඉන් සිදු වූ හානි පිළිබඳව ඊයේ රාත්‍රියේ සිරස රූපවාහිනියේ විකාශය වූ "සටන" සංවාදාත්මක වැඩසටහන අතරතුර පාලක සහ විපක්ෂ නියෝජිතයන් අතර දැඩි මත ගැටුමක් හටගත්තේය.

මෙම නොසන්සුන්කාරී තත්ත්වයට මූලික හේතුව වූයේ විපක්ෂය නියෝජනය කරමින් සහභාගී වූ මුජිබර් රහ්මාන් මන්ත්‍රීවරයා ඉදිරිපත් කළ ඉල්ලීමක් නාලිකාව විසින් ප්‍රතික්ෂේප කිරීමයි.

කාලගුණ විද්‍යා දෙපාර්තමේන්තුව මගින් නිකුත් කරන ලද දර්ශන කිහිපයක් වැඩසටහන අතරතුර විකාශය කිරීමට මන්ත්‍රීවරයා අවසර ඉල්ලා සිටියද, රූපවාහිනී බලධාරීන් ඊට එකඟ නොවීමත් සමඟ දෙපාර්ශවය අතර උණුසුම් වාද විවාද හටගත්තේය.

අදාළ ස්වාභාවික විපත්තිය පිළිබඳව කාලගුණ බලධාරීන් විසින් අවස්ථා කිහිපයකදීම පූර්ව අනතුරු ඇඟවීම් සිදු කර තිබියදීත්, සිදුවිය හැකි විනාශය අවම කරගැනීමට රජය අපොහොසත් වූ බවට මන්ත්‍රීවරයා එහිදී දැඩි චෝදනාවක් එල්ල කළේය.

තම ස්ථාවරය තහවුරු කිරීම සඳහා කාලගුණ වාර්තාවල වීඩියෝ දර්ශන ප්‍රදර්ශනය කිරීමට අවස්ථාව ලබා නොදීම මෙම තත්ත්වය තවදුරටත් උග්‍ර වීමට බලපෑවේය.