ප්‍රබල අකුණු ගැන අදත් අවවාදාත්මක නිවේදනයක්

බස්නාහිර, සබරගමුව පළාත් සහ ගාල්ල හා මාතර දිස්ත්‍රික්ක සඳහා ප්‍රබල අකුණු පිළිබඳව අවවාදාත්මක නිවේදනයක් නිකුත් කර තිබේ. අද (05) දහවල් 12.15ට නිකුත් කර ඇති මෙම නිවේදනය අද රාත්‍රී 11 දක්වා වලංගු බව කාලගුණවිද්‍යා දෙපාර්තමේන්තුව නිවේදනය කරයි.

ඒ අනුව අදාළ නිවේදනය සම්බන්ධයෙන් සැලකිලිමත් වෙන ලෙසත් කාලගුණවිද්‍යා දෙපාර්තමේන්තුව දැනුම්දෙයි.

ඒ අනුව ඉහත ඡායාරූපයේ රතු වර්ණයෙන් දැක්වෙන ප්‍රදේශවල ජනතාවට අනතුරු ඇඟවීම් සිදුකර ඇති අතර, ඊට අදාළ අවශ්‍ය පියවර ගන්නා ලෙසත් කාලගුණවිද්‍යා දෙපාර්තමේන්තුව දන්වයි.

ගිගුරුම් සහිත වැසි ඇති වනවිට එම ප්‍රදේශවල තාවකාලික තද සුළං ඇති විය හැකි බවත් අකුණුවලින් සිදුවන අනතුරු අවම කරගැනීමට අවශ්‍ය පියවර ගන්නා ලෙසත් කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.