ශ්‍රී ලාංකික තරුණ සේවකයින් දෙදෙනෙකුගේ මළ සිරුරු දකුණු කොරියාවේ මත්ස්‍ය නිශ්පාදන වැඩබිමක ටැංකියකින් හමුවෙයි…

ජල ටැංකියේ ගිලී කොරියානු ජාතික වැඩ පරික්ෂකවරයාත් මිය ගිහින්…

දකුණු කොරියාවේ දකුණු ග්යොංසැං හි ගෝසොං ප්‍රාන්තයේ   ගොඩබිම පදනම් කරගත් මත්ස්‍ය ගොවිපලක ජල ටැංකියක් තුළ තිබී ශ්‍රී ලාංකික සංක්‍රමණික සේවකයින් දෙදෙනෙකුගේ  සහ ගොවිපලේ  ස්ථාන අධීක්ෂකවරයෙකු ගේ මළ සිරුරු සොයාගෙන තිබේ.

දකුණු ග්යොංසැං පොලිස් ඒජන්සිය තහවුරු කළේ, මරණයට පත් ශ්‍රී ලාංකික සේවකයින් දෙදෙනා    වයස අවුරුදු 20 සහ 30 ගණන්වල පසුවන බවය.  වැඩ අධීක්ෂකවරයා වයස අවුරුදු  50 ගණන්වල පසුවන කොරියානු ජාතිකයෙකි.

ඊයේ   (09) රාත්‍රී 8:30 ට පමණ  මත්ස්‍ය අභිජනන ඒකකවලට ජලය සැපයීම සඳහා භාවිතා කරන විශාල ජලාශ ටැංකියක් තුළ තිබී මෙම මළ සිරුරු සොයා ගත් බව කොරියානු ආරක්ෂක අංශ පවසයි.

මීටර් 4 ක් පළල, මීටර් 3 ක් දිග සහ මීටර් 2 ක් ගැඹුරකින් යුත් ටැංකිය ජලයෙන් පිරී තිබූ බවත්  පටු විවරයක් සහ ඉණිමඟක් හරහා පමණක් ඊට ප්‍රවේශ විය හැකි වූ බවත් වාර්තා වේ.

කොරියානු ජාතික වැඩ අධීක්ෂකවරයාගේ පවුලේ අය රාත්‍රී 7:38 ට ඔහු අතුරුදහන් වී ඇති බවට කළ වාර්තාවට අනුව ඒ පිළිබඳව  පොලිසියට දැනුම් දී තිබිනි. ඒ අනුව නිලධාරීන් එම ස්ථානය පරීක්ෂා කිරීමට පෙළඹුණි.

මිය ගොස් සිටි ශ්‍රී ලාංකික සේවකයින්ගෙන් එක් අයෙකු වැඩ ඇඳුමින් සැරසී සිටි බව වාර්තා වන අතර අනෙක් පුද්ගලයින් දෙදෙනා සාමාන්‍ය ඇඳුම් වලින් සැරසී සිට ඇත.  ටැංකිය තුළට ඔවුන්ගේ පැමිණීමේ ස්වභාවය පිළිබඳව ප්‍රශ්න මතු වී ඇතැයි විමර්ශන අංශ වාර්තා කර තිබේ.

කාර්මික අනතුරක් ඇතිවීමේ හැකියාව බලධාරීන් විසින් බැහැර කර නොමැත.  මරණයට නිශ්චිත හේතුව තීරණය කිරීම සඳහා මරණ පරීක්ෂණයක් පැවැත්වීමට නියමිතය.

සිද්ධිය සිදු වූ විට වින්දිතයින් ටැංකිය පිරිසිදු කිරීමට උත්සාහ කරමින් සිටියාද නැතහොත් වෙනත් කාර්යයක නිරත වී සිටියාද යන්න විමර්ශකයින් විසින් පරික්ෂා  කරමින් සිටී.

Two Lankans among three found dead in South Korean fish farm water tank