පෙර ප‍්‍රශ්ණ කිරීමේ අවුලක්... විමල් යලි තංගල්ල පොලිසියට කැදවයි!

තංගල්ල පොලිස් කොට්ඨාස අපරාධ විමර්ශන කොට්ඨාසය විසින් හිටපු අමාත්‍ය විමල් වීරවංශ මහතා ලබන හෙට (12) පෙරවරුවේ යළිත් ප්‍රකාශයක් ලබා ගැනීම සඳහා කැඳවා තිබේ.

මෙම කැඳවීම සිදු කර ඇත්තේ ‘පුවක්දණ්ඩාවේ සනා’ නමැති මත්ද්‍රව්‍ය ජාවාරම් සැකකරු සමඟ ජනාධිපති අනුර කුමාර දිසානායක මහතා පසුගිය මැතිවරණ සමයේදී ආහාර ලබාගත් බවට වීරවංශ මහතා විසින් සිදු කරන ලද ප්‍රකාශයට අදාළවය.

පසුගිය ඔක්තෝබර් 08 වන දින ද ඒ සම්බන්ධයෙන් වීරවංශ මහතාගෙන් ප්‍රකාශ සටහන් කර ගත්තද, එම ප්‍රකාශය ප්‍රමාණවත් නොවන බව සලකා මෙම කැඳවීම යළි සිදුකර ඇති බවට වාර්තා වේ.

ඔක්තෝබර් 08 වන දින ප්‍රකාශය ලබා ගන්නා අවස්ථාවේදී අපරාධ අංශයේ ස්ථානාධිපතිවරයා හදිසියේ රෝගාතුර වීම හේතුවෙන්, එම ප්‍රකාශය සටහන් කරගෙන ඇත්තේ වෙනත් පොලිස් නිලධාරීන් කිහිප දෙනෙකු විසින් වීමද මෙම යළි කැඳවීමට හේතුව වී ඇත.