අධිවේගි මාර්ග, නෙලුම් කුලුන ගැන පච කිවු කටවලින්ම ඒවා දිනපතා ආදායම් උපයනවා කියන්න වෙලා - ඉන්දික අනු­රුද්ධ

ශ්‍රී ලංකා පොදු­ජන පෙර­මුණේ නාය­ක­යන්ගේ සහ සාමා­ජි­ක­යන්ගේ වැරදි තිබේ නම් අභූත චෝදනා නොකර නීතිය ක්‍රියා­ත්මක කර­න්නැයි හිටපු රාජ්‍ය ඇමැති ඉන්දික අනු­රුද්ධ මහතා කීවේය. ශ්‍රී ලංකා පොදු­ජන පෙර­මුණේ පක්ෂ කාර්යා­ල­යේදී පැවති මාධ්‍ය හමු­ව­කදී ඒ මහතා මේ බව පැව­සීය. එහිදී ඒ මහතා මෙසේ ද කීවේය.

“ශ්‍රී ලංකා පොදු­ජන පෙර­මුණ සහ අපේ කණ්ඩා­යම නියෝ­ජ­නය කරන්නේ ජනා­ධි­පති අනුර කුමාර දිසා­නා­යක ප්‍රකාශ කළ සංස්කෘ­ති­යක් යනු­වෙන් හඳු­න්වපු මහින්ද රාජ­පක්ෂ මහ­තාගේ නාය­ක­ත්වය මත හිඳි­මි­නුයි. එතුමා තමයි මේ රටේ තිස්අ­වු­රුදු යුද්ධය නිමා­කර ජනතා හද­ව­ත්ව­ලට කිඳා­බැ­හැපු එකම නාය­කයා. ඒකයි අද තිබෙන ගෞර­වය, ආද­රය හැම‍ ­කෙ­නා­ගේම හද­වතේ. මේ බලය අර­ගෙන තිබෙන්නේ බොරු කියලා.

අධි­වේගි මාර්ග, නෙලුම් කුලුන ගැන බොරු කිව්වා. අද හැම එකක්ම දවස ගණනේ ආදා­යම් උප­ය­නවා කියා අද මේ වත්මන් ආණ්ඩුවේ පිරි­සගේ කටින්ම කියන්න සිදු­වෙලා තිබෙ­නවා.ඒකයි ස්වභා­ව­ධ­ර්ම­යට පිටු­පාන්න බැහැ කියන්නේ. ස්වභා­ව­ධ­ර්මය අවශ්‍ය වෙලා­වට නැඟී සිටි­නවා. ඒවට පිළි­තුරු දෙනවා.

ඒ නිසා කරු­ණා­කර ජනතා ගෞර­වය දිනා­ගෙන තිබෙන මහින්ද රාජ­පක්ෂ මහ­තාට මේ අභූත චෝදනා ගේන්න උත්සාහ කරන්න එපා. යම් යම් අයගේ ගැටලු තිබෙ­නවා නම් නීති ක්‍රියා­ත්මක කරන්න. අපි පක්ෂයේ විනය ක්‍රියා­ත්මක කර­නවා. ඔබලා නීතිය ක්‍රියා­ත්මක කරන්න.ඒ කියන්නේ වැර­ද්දක් කර තිබෙන මනු­ස්ස­යෙක් ඉන්න­වා­නම් අපි ඒ අය කිසි ලෙස­කින් ආරක්ෂා කරන්නේ නෑ.”

සම­න්මලී ප්‍රිය­ශාන්ති