රනිල්ට හෘදයාබාද අවදානමක්... ජාතික රෝහලේදී හදිසි පරීක්‍ෂණ!

කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලැබීමට සිටින හිටපු ජනාධිපති රනිල් වික්‍රමසිංහ මහතාට හෘදයාබාධයක් ඇතිවීමේ අවදානමක් ඇත්දැයි හවුරු කර ගැනීමට වෛද්‍ය පරීක්ෂණ එහිදී සිදු කර ඇති බව වාර්තා වෙයි.

ඔහුට ඇතිව තිබෙන විජලන තත්ත්වයේ ප්‍රතිඵලයක් ලෙස හෘදය හා වකුගඩු ආශ්‍රිතය යම් යම් සංකූලතා නිරීක්ෂණය වෙමින් ඇති බව රෝහල් ප්‍රකාශකයකු පැවසීය.

කෙසේ වෙතත් හිටපු ජනාධිපතිවරයාගේ සෞඛ්‍ය තත්ත්වය සම්බන්ධයෙන් නිශ්චිත ප්‍රකාශයක් හෙට දිනයේ සිදුකිරීමට හැකිවනු ඇති බවද රෝහල් ආරංචි මාර්ග තවදුරටත් කියා සිටී.

ඔහුගේ සෞඛ්‍ය තත්ත්වය සම්බන්ධයෙන් විශේෂඥ වෛද්‍ය කණ්ඩායමක් විසින් සමීප නිරීක්ෂණයක පසුවෙයි.

රාජ්‍ය අරමුදල් අවභාවිතය සම්බන්ධයෙන් අත්අඩංගුවට ගන්නා ලද හිටපු ජනාධිපතිවරයා අධිකරණයට ඉදිරිපත් කිරීම පසු එළඹෙන විසි හයවෙනි දින දක්වා රක්ෂිත බන්ධනාගාර ගත කරන ලදී.

එහිදී බන්ධනාගාර රෝහලට ඇතුලු කිරීමෙන් පසු කොළඹ ජාතික රෝහලේ දැඩි දැඩි සත්කාර ඒකකයටද ඒ මහතා යොමු කර සිටියි.