අයතුල්ලා කුමේනි මරා දමන මෙහෙයුම් අරඹයි!

ඊශ්‍රායලය සහ ඉරානය අතර සතියක් පුරා දිවෙන ගැටුම් උත්සන්න වී ඇති අතර, ඉරාන මිසයිල ප්‍රහාරයක් දකුණු ඊශ්‍රායලයේ බීර් ෂෙවා නුවර වෛද්‍ය මධ්‍යස්ථානයකට පතිත වී ඇත. තවත් ප්‍රහාර ගණනාවක් සමඟින් ඊශ්‍රායලය පුරා සිවිල් වැසියන් රැසකට තුවාල සිදුවී තිබේ.

මෙම ප්‍රහාරයෙන් අනතුරුව ඊශ්‍රායල ආරක්ෂක අමාත්‍ය ඊශ්‍රායල් කට්ස් ප්‍රකාශ කර ඇත්තේ ඉරානයේ උත්තරීතර නායක අලි කමේනි “තවදුරටත් සිටීමට ඉඩ දිය නොහැකි” බවයි.මේ අතර, ඊශ්‍රායලය විසින් ඉරානයේ න්‍යෂ්ටික යටිතල පහසුකම් සහ හමුදා ස්ථාන ඉලක්ක කර ගනිමින් නව ප්‍රහාර රැල්ලක් දියත් කර ඇත. මෙම ප්‍රහාරවලට අරක් (Arak) හි පිහිටි බැර ජල න්‍යෂ්ටික ප්‍රතික්‍රියාකාරකය ද ඇතුළත් වේ.

ඊශ්‍රායල අගමැති බෙන්ජමින් නෙතන්යාහු පවසා ඇත්තේ “ඔපරේෂන් රයිසින් ලයන්” ඉරානයට එල්ල කරන මිසයිල ප්‍රහාර මාලාවක් – ඉස්ලාමීය ජනරජයේ න්‍යෂ්ටික වැඩසටහනට සැලකිය යුතු හානියක් සිදු කර ඇති බවයි. බටහිර ජෙරුසලම කියා සිටින්නේ නටාන්ස් (Natanz), ඉස්ෆහාන් (Isfahan), සහ ෆෝර්ඩෝ (Fordow) හි පිහිටි ප්‍රධාන න්‍යෂ්ටික ස්ථානවලට ප්‍රහාර එල්ල කර ඇති බවයි. ජාත්‍යන්තර පරමාණුක බලශක්ති ඒජන්සිය (IAEA) නටාන්ස් සහ ඉස්ෆහාන් හි පහසුකම්වලට හානි සිදුව ඇති බව තහවුරු කර තිබේ.

වොෂින්ටනය පදනම් කරගත් මානව හිමිකම් ක්‍රියාකාරීන්ගේ කණ්ඩායමට අනුව, පසුගිය සිකුරාදා සතුරුකම් ආරම්භ වූ දා සිට ඊශ්‍රායල ප්‍රහාරවලින් ඉරාන ජාතිකයින් 639 දෙනෙකුට වැඩි පිරිසක් මියගොස් ඇති අතර, ඔවුන්ගෙන් බහුතරය සිවිල් වැසියන් වේ. ඊශ්‍රායල නිලධාරීන් මරණ 24ක් වාර්තා කර ඇත.

එක්සත් ජනපද ජනාධිපති ඩොනල්ඩ් ට්‍රම්ප් තවමත් ගැටුමට සෘජු හමුදාමය මැදිහත්වීමක් බැහැර කර නොමැති බව වාර්තා වේ. CBS වාර්තාවන්ට අනුව, ඔහු ඉරානයට පහර දීමේ විභව සැලැස්මක් අනුමත කර ඇතත්, අවසන් තීරණයක් ගෙන නොමැත.

රුසියාව ඊශ්‍රායලයේ මුල් ගුවන් ප්‍රහාර හෙළා දැක ඇති අතර තත්ත්වය සමනය කරන ලෙස ඉල්ලා සිටියේය.

ජනාධිපති ව්ලැඩිමීර් පුටින්සති අන්තයේ ට්‍රම්ප් සමඟ දුරකථනයෙන් සාකච්ඡා කළේය. ක්‍රෙම්ලින් සහායක යූරි උෂාකොව්ට අනුව, දෙදෙනා ඉරානයේ න්‍යෂ්ටික වැඩසටහන පිළිබඳ සාකච්ඡා නැවත ආරම්භ කිරීමේ හැකියාව පිළිබඳව සාකච්ඡා කළහ.