ඉන්දියානු හමුදා පාකිස්තාන ත්‍රස්ත ඉලක්ක වෙත නුදුරේදීම ප්‍රහාරයක් එල්ල කරනු ඇති අතර එය දෙරටම මහා යුද්ධයකට පැටලීමේ අවදානම මතු කර තිබේ.
දෙරටම න්‍යෂ්ටික අවි උපයෝගි කර ගතහොත් එය කලාපයටම තර්ජනයකි. ඉන්දීය අගමැති නරේන්ද්‍ර මෝදි බිහාරයේ රැස්වීමක් අමතමින් පාකිස්තානයට අනතුරු අඟවා තිබිණි.
අඟහරුවාදා (අප්‍රේල් 22) පෙහෙල් ගාම්හි සිදු වූ ලේ වැගිරීම, එනම් අවම වශයෙන් සංචාරකයින් 26 දෙනෙකුට මරු කැඳ වූ වෙඩි තැබීම් 2019 වසරෙන් පසු කාශ්මීරයේ සිදු වූ මාරාන්තික ම ත්‍රස්තවාදී ප්‍රහාරය ලෙස ඉතිහාසයට එක් වේ.
ඉන්දීය ආරක්ෂක අමාත්‍ය රානාත් සිං ‘ශක්තිමත් ප්‍රතිචාරයක්’ දක්වන බවට ප්‍රතිඥා දී ඇති අතර, අපරාධකරුවන්ට එරෙහිව පමණක් නොව, ඉන්දීය භූමියේ ‘දුෂ්ට ක්‍රියාවන්’ පිටුපස සිටින මහ මොළකරුවන්ට එරෙහිව ද පියවර ගන්නා බවට ප්‍රතිඥා දී තිබේ.
2016 සැප්තැම්බර් මාසයේදී ඉන්දියානු සෙබළුන් 19 දෙනෙකු මිය ගිය මාරාන්තික ඌර් ප්‍රහාරයෙන් පසු, ඉන්දියාව පාකිස්ථාන පරිපාලනය යටතේ පවතින කාශ්මීරයේ සිට සටන්කාමීන් ඉන්දියාවට පැමිණීමට සූදානම් වන ස්ථාන ඉලක්ක කර ගනිමින් ප්‍රහාර එල්ල කළේය.
2019 දී, පුවාමාහි අවම වශයෙන් පැරාමිලිටරි භටයින් 40 දෙනෙකු මිය ගිය පසු, ඉන්දියාව බාලාකෝට්හි සටන්කාමී කඳවුරකට ගුවන් ප්‍රහාර එල්ල කළේ ය.
1971 න් පසු පාකිස්ථානය තුළ අභ්‍යන්තරය වන්නට එවැනි ප්‍රහාරයක් එල්ල කළ පළමු අවස්ථාව එයයි. පාකිස්ථානය ගුවන් ප්‍රහාර වලින් ප්‍රතිචාර දැක්වූ අතර, එය ගුවන් සටනකට තුඩු දුන් අතර ඉන්දියානු ගුවන් නියමුවකු කෙටි කලට සිය ග්‍රහණයට ගත්තේය.
ඉන්දියාව තම රටට පහර දුන හොත් පෙරළා පහරදීමට කටයුතු කරන බව පාකිස්තානය පවසයි.
කාශ්මීර ප්‍රහාරය සම්බන්ධයෙන් ඉන්දියාව පාකිස්තානයට එල්ල කරන චෝදනා සම්පූර්ණයෙන් ප්‍රතික්ෂේප කරන බව චරට විදේශ අමාත්‍යාංශයේ ප්‍රකාශක පවසයි.
එසේම පාකිස්තාන පාර්ලිමේන්තුව ඉන්දියාවට එරෙහි යෝජනාවක් ද සිකුරාදා සම්මත කර තිබිණි.
පාකිස්තානය සිය සන්නද්ධ හමුදා සීරුවෙන් තබා තිබේ.
චතුර පමුණුව
