සන්ඩේ ලීඩර් පුවත්පතේ කර්තෘ ලසන්ත වික්‍රමතුංග ඝාතන සිද්ධිය සම්බන්ධයෙන් ඔහුගේ රියැදුරු පැහැරගෙන ගොස් සාක්ෂි විනාශ කිරීමට අත්අඩංගුවට ගත් සැකකරුවන් තිදෙනකු නිදහස් කිරීමට නීතිපතිවරයා පසුගිය දිනක අපරාධ පරීක්ෂණ දෙපාර්තමේන්තුවේ අධ්‍යක්ෂවරියට දැනුම් දී ඇත.
එම තීරණය සම්බන්ධයෙන් රට තුළ මහජන විරෝධයක් පැන නැගීම හේතුවෙන් ලසන්ත වික්‍රමතුංග ඝාතන විමර්ශනය සම්බන්ධයෙන් නීතිපතිවරයා විසින් අපරාධ පරීක්ෂණ දෙපාර්තමේන්තුවට නව නියෝගයක් ලබාදීමට සූදානම් වන බව වාර්තා වේ.
ජනාධිපතිවරයා, නීතිපතිවරයා සහ අපරාධ පරීක්ෂණ දෙපාර්තමේන්තුවේ නිලධාරීනුත් සමඟ පසුගියදා පැවති විශේෂ සාකච්ඡාවේදී වගකීම් ඉටුකිරීම සම්බන්ධයෙන් ජනාධිපතිවරයා නීතිපතිට දැඩිව අවවාද කර ඇති බව වාර්තා වේ.
ලසන්ත වික්‍රමතුංගගේ ඝාතනය ශ්‍රී ලංකාවේ මාධ්‍ය ඉතිහාසයේ කළු පැල්ලමක් ලෙස සැලකෙන අතර මෙම සිද්ධිය සම්බන්ධයෙන් සාධාරණත්වය ඉටු කිරීමට විනිවිද පරීක්ෂණයක් පැවැත්විය යුතු බව මාධ්‍ය සංවිධාන සහ මානව හිමිකම් ක්‍රියාකාරීන් දිගින් දිගටම පෙන්වා දී ඇත.
නීතිපති දෙපාර්තමේන්තුවේ නව නියෝගය තුළින් විමර්ශනයට නව දිශානතියක් ලැබෙනු ඇතැයි අපේක්ෂා කරයි.
