ලේඛක කසුන් මහේන්ද්ර හීනටිගල අතුරුගිරිය පොලීසිය මගින් අත්අඩංගුවට ගැනීමේ සිද්ධියේ සිදුකෙරෙන විමර්ශනයට අදාළව උපපොලිස් පරීක්ෂකවරයෙකු ඇතුළු තිදෙනකු තාවකාලිකව මිරිහාන මූලස්ථාන පොලීසිය වෙත මාරුකර තිබේ.
දූෂණ මර්දන අංශයේ ස්ථානාධිපති ලෙස කටයුතු කළ ස්ථානාධිපතිවරයා හා පොලිස් කොස්තාපල්වරුන් දෙදෙනෙකු මෙලෙස තාවකාලිකව මාරුකළ බව පොලිස් මාධ්ය ප්රකාශක ජ්යෙෂ්ඨ පොලිස් අධිකාරි නීතිවේදී බුද්ධික මනතුංග මහතා පැවසීය.
අභාවප්රාප්ත ජැක්සන් ඇන්තනී ගේ බෑනා වන ලේඛක කසුන් මහේන්ද්ර ගීනටිගල පොලිස් මූලස්ථානයේ සහන මැදිරියට කරන ලද පැමිණිල්ලකට අදාළව කොළඹ දකුණු දිසාව භාර නියෝජ්ය පොලිස්පති වරයාගේ උපදෙස් මත මෙම ස්ථානමාරුවීම් සිදුකර තිබේ.
අභාවප්රාප්ත කලාකාරු ජැක්සන් ඇන්තනී මහතාගේ බෑනා වන ලේඛක කසුන් මහේන්ද්ර ගීනටිගල මහතා පොලිස් මූලස්ථානයට පැමිණිල්ලක් කරමින් සදහන් කලේ තමන් අනීතිකව අත්අඩංගුවට ගෙන රදවා තබා ගනිමින් ශාරීරික හිංසා සිදු කරන ලද බවයි.
