ශ්‍රී ලංකා දුම්රිය දෙපාර්තමේන්තුව සදහා සුහුරු ටිකට්පත් පද්ධතියක් ස්ථාපිත කිරිමට පුද්ගලික උපදේශක සමාගමකට රුපියල් මිලියන 21ක මුදලක් ගෙවා තිබුනද උක්ත ව්‍යාපෘතිය සම්බන්දයෙන් කිසිදු ප්‍රගතියක් අත්පත්කරගෙන නොතිබුන බව ජාතික විගණන කාර්යාලය මගින් නිකුත්කොට ඇති විගණන වාර්තාවක සඳහන් වේ.
සුහුරු ටිකට්පත් පද්ධතියක් ස්ථාපිත කිරිම සදහා දුම්රිය දෙපාර්තමේන්තුව විසින් දිර්ඝ ටෙන්ඩර් ඇගයිමේ ක්‍රියාවලියකින් පසු පුද්ගලික සමාගමක් සමග එක්සත් ජනපද ඩොලර් මිලියන 19ක පිරිවැයකට ගිවිසුම අත්සන්කරණු ලැබිය.
මෙකි ව්‍යාපෘතිය 2021 වර්ෂයේ මැයිමස 31 වැනිදින අවසන් කිරිමට නියමිතව තිබුනද ව්‍යාපෘතිය අවසන් කිරිමේ දිනය 2024 වර්ෂයේ දෙසැම්බර් මස 31 වැනිදින දක්වා දිර්ඝකර ඇත. අත්තිකාරම් මුදල් වශයෙන් රුපියල් මිලියන 321ක මුදලක් ගෙවා ව්‍යාපෘතියට අදාළ කටයුතු සඳහා මෙකි පුද්ගලික සමාගමේ සේවය2020 වර්ෂයේ සිට කුලියට ලබාගෙන තිබුණි. ව්‍යාපෘතිය ප්‍රමාදයකින් තොරව අවසන් කළයුතු බවට විගණනය මගින් නිර්දේශකොට ඇත. මෙකි ව්‍යාපෘතිය ක්‍රියාත්මක කර වසර දෙකක් ගතවි ඇතත් එහි නිමවුම් ලබාදිමේ පසුගාමි බවක් දක්නට ලැබෙන බව දුම්රිය දෙපාර්තමේන්තුව විසින් විගණනයට සදහන් කොට ඇත.
දුම්රියදේපාර්තමේන්තුවේ අවශ්‍යතාවය කොන්ත්‍රාත්කරු විසින් හඳුනා ගැනිම ප්‍රමාද විමත් ඒවනවිට රටතුළ පැවති අස්ථාවර භාවයත් මේ ප්‍රමාදය සදහා හේතුවි ඇති බව දුම්රිය දෙපාර්තමේන්තුව මගින් විගණනනයට තවදුරටත් සඳහන්කොට තිබේ..
