නව ප්‍රජාතන්ත්‍රවාදී පෙරමුණට හිමි ජාතික ලයිස්තු මන්ත්‍රී ධූර දෙකෙන් එක් මන්ත්‍රී ධූරයක් සදහා පත් කිරීමට පක්ෂයේ ලේකම්වරයා විසින් තීරණය කර ඇත්තේ එම පෙරමුණේ හවුල්කාර පක්ෂවන ශ්‍රී ලංකා නිදහස් පක්ෂය, ජාතික සමගි පෙරමුණ ඇතුළු අනෙක් සියලුම හවුල්කාර පාර්ශවවල විරෝධතා මැද බවත් පක්ෂ ලේකම්වරියගේ මේ නම් කිරීම අනීතික බවත් අදාල පෙරමුණේ සමාජික පක්ෂයක් වූ ජාතික සමගි පෙරමුණේ නායක අසාත් සාලි මැතිවරණ කොමිසමේ සභාපතිවරයාට ලිඛිතව දන්වා තිබේ.
ජාතික ලයිස්තු මන්ත්‍රී ධූර වංචනික ලෙස පිරවීමේ අප්‍රසන්න ඉතිහාසයක් ඇති බව කියන හිටපු පාර්ලිමේන්තු මන්ත්‍රී අසාද් සාලි අතුරලියේ රතන හිමි ඇතුළු පිරිසක් සම්බන්ධ සිද්ධිය කෙළවර වන්නේ පුද්ගල ඝාතනයකින් බව ද සිය ලිපියේ සිහිකර තිබේ.
ඔහු එම ලිපියේ මැතිවරණ කොමිසමේ සභාපතිවරයා වෙත දන්වන්නේ යහපාලන රජය දෙදරවා දැමු අන්ත දූෂිත ගනුදෙනු සම්බන්ධ කුප්‍රකට රවි කරුණානායක ජාතික ලයිස්තු මන්ත්‍රී ධූරය සඳහා නම් කරන්නේ පක්ෂයේ සාමුහික එකඟත්වය බිඳ දමා හවුල්කාර පක්ෂවල අනුදැනුමක් රහිතව සිදුකළ නීති විරෝධි පත්වීමක් බවය.
ලේකම්වරියගේ ලිපියේ වලංගු භාවය නව ප්‍රජාතන්ත්‍රවාදි පෙරමුණේ හවුල්කාර පක්ෂවලින් තහවුරු කර නොගෙන රවි කරුණානායකගේ නම ගැසට් මගින් ප්‍රකාශ නොකරන ලෙස ද අසාත් සාලි මැතිවරණ කොමිසමේ සභාපතිවරයාගෙන් ඉල්ලා ඇත.
අසාත් සාලි මැතිවරණ කොමිසමේ සභාපතිවරයා වෙත යැවූ ලිපිය පහත දැක්වේ.
