වාස් ගුණවර්ධන ඇතුළු 6කගේ මරණ දඬුවම ශ්රේෂ්ඨාධිකරණය තහවුරු කරයි!
මරණීය දණ්ඩනය නියම වී සිටි හිටපු නියෝජ්ය පොලිස්පති වාස් ගුණවර්ධන, ඔහුගේ පුත් රවිඳු ගුණවර්ධන ඇතුළු විත්තිකරුවන් හය දෙනෙකුට කොළඹ ත්රිපුද්ගල මහාධිකරණ විනිසුරු මඩුල්ලක් විසින් පැනවූ මරණීය දණ්ඩනය ශ්රේෂ්ඨාධිකරණය විසින් අද (08) තහවුරු කරනු ලැබීය.
2013 වසරේ බම්බලපිටිය ප්රදේශයේ පදිංචි කෝටිපති ව්යාපාරිකයකු වන මොහොමඩ් ෂියාම් නමැත්තා පැහැරගෙන ගොස් මරා දැමීමේ චෝදනාව සම්බන්ධයෙන් ඔවුනට චෝදනා එල්ලවී වරදකරු කර තිබිණි.
මරණීය දණ්ඩනය තහවුරු කරන ලද විත්තිකරුවන් අතර උප පොලිස් පරීක්ෂකවරයෙකු සහ පොලිස් කොස්තාපල්වරු තුන්දෙනෙකුද ඇතුළත්ව සිටී.
මෙම දඬුවම්වලින් තමන්ව නිදොස් කොට නිදහස් කරන ලෙස ඉල්ලා වාස් ගුණවර්ධන ඇතුළු විත්තිකරුවන් විසින් ඉදිරිපත් කළ අභියාචනා පෙත්සම් නිෂ්ප්රභ කරමින් ශ්රේෂ්ඨාධිකරණය එම තීන්දුව ලබා දුන්නේය.
lankadeepa
