පොහොට්ටුවටයි අලියටයි ඉන්දියාවට ආරාධනා!

ඉන්දියාවේ මහ මැතිවරණ ප්‍රචාරක ව්‍යාපාරය උණුසුම් වෙමින් තිබියදී එරට පාලක භාරතීය ජනතා පක්ෂය මෙරට ශ්‍රී ලංකා පොදුජන පෙරමුණේ සහ එක්සත් ජාතික පක්‍ෂයේ නියෝජිතයන්ට එහි මැතිවරණ ක්‍රියාවලිය පිළිබඳව දැනුවත් කිරීම සඳහා ආරාධනා කර ඇති බව ‘ද හින්දු’ පුවත්පත පවසයි.

එම පුවත්පතට අනුව, විදේශ නායකයන්ට පක්ෂවල මැතිවරණ ව්‍යාපාරය පිළිබඳ අවබෝධයක් ලබාදෙන අතර එහි උපාය මාර්ග සහ සමස්ත මැතිවරණ ක්‍රියාවලිය පිළිබඳව දැනුවත් කෙරෙන බව ද භාරතීය ජනතා පක්ෂය ප්‍රකාශ කර ඇත.

ඕස්ට්‍රේලියාවේ ලිබරල් පක්ෂය, වියට්නාමයේ කොමියුනිස්ට් පක්ෂය, බංග්ලාදේශයේ අවාමි ලීගය, ඊශ්‍රායලයේ ලිකුඩ් පක්ෂය, උගන්ඩාවේ ජාතික ප්‍රතිරෝධක ව්‍යාපාරය, ටැන්සානියාවේ චාමා චා මාපින්දුසි සහ රුසියාවේ එක්සත් රුසියානු පක්ෂය යන දේශපාලන පක්ෂ ඉන්දියාවට පැමිණෙන දේශපාලන පක්ෂ අතර වේ.

මොරිෂස් හි කම්කරු පක්ෂය, මොරිෂස් සටන්කාමී ව්‍යාපාරය සහ මොරිෂස් වෙතින් මොරිෂියානු සමාජ ප්‍රජාතන්ත්‍රවාදී පක්ෂය, සහ නේපාල කොංග්‍රසය, ජනමාත් පක්ෂය, නේපාලයේ කොමියුනිස්ට් පක්ෂය (ඒකාබද්ධ මාක්ස්වාදී-ලෙනින්වාදී), නේපාලයේ කොමියුනිස්ට් පක්ෂය (මාඕවාදී) සහ නේපාලයේ රාෂ්ට්‍රිය ස්වාධීන පක්ෂය භාරතීය ජනතා පක්ෂයේ ආරාධනය මත එලෙස ඉන්දියාව පැමිණීමට නියමිත් තවත් පක්ෂ කිහිපයක් බව ද හින්දු පුවත්පත වාර්තා කර තිබේ.