AI මගින් කළහැකි ඡන්ද වංචා ගැන මැතිවරණ කොමිසම අවධානයෙන්!

කෘත්‍රිම බුද්ධියෙන් (AI) ක්‍රියාත්මක වන මැතිවරණ අක්‍රමිකතා පිළිබඳ ගෝලීය වශයෙන් කතාබහ වෙමිනි තිබියදී මෙරට ඉදිරි මැතිවරණවලදී එවැනි ක්‍රියාවන් සඳහා ඇති හැකියාවන් පිළිබඳ ශ්‍රී ලංකා මැතිවරණ කොමිෂන් සභාවේ අවධානය යොමුව තිබේ.

ගෝලීය අත්දැකීම්වලට අනුව යම් ආකාරයකට ඡන්දය දීමට ජනතාව පෙළඹවීමේ සංවිධානාත්මක උත්සාහයන් සඳහා දායක වීමේදී කෘත්‍රිම බුද්ධිය මගින් සාවද්‍ය තොරතුරු නිෂ්පාදනය සහ ව්‍යාප්තිය වේගවත් කළ හැකිය.

කෘත්‍රිම බුද්ධිය මගින් වැරදි තොරතුරුවල පරිමාණය දහස් ගුණයකින් විශාල කළ හැක.

එසේම, පින්තූර, ශ්‍රව්‍ය හෝ වීඩියෝවල අධි-යථාර්ථවාදී ව්‍යාජ ගැඹුර අනුව සමහර විට ඒවායේ කරුණු පරීක්ෂා කිරීමට පෙර ඡන්දදායකයන්ට බලවත් ලෙස බලපෑම් කළ හැකිය.

සමාජ මාධ්‍ය වේදිකා මගින් මෙම අවදානම සංකීර්ණ කරනු ඇත.

මේ සම්බන්ධයෙන් ශ්‍රී ලංකාවේ සූදානම ගැන විමසූ විට කොමිසමේ සභාපති ආර්.එම්.ඒ.එල්.රත්නායක පැවසුවේ ප්‍රජාතන්ත්‍රවාදී මැතිවරණ ක්‍රියාවලියට එල්ල වන එවැනි අභියෝගවලට අනෙකුත් රටවල් ප්‍රතිචාර දක්වන ආකාරය අධ්‍යයනය කරමින් සිටින බවයි.

ඉදිරි මැතිවරණවලදී මෙවැනි අකටයුතුකම්වල බලපෑම මැඩපැවැත්වීම සඳහා නීති සම්පාදනය ඇතුළු ක්‍රියාමාර්ග පිළිබඳ කොමිසම තීරණය කරනු ඇතැයි ද ඔහු පැවසීය.