මල්වතුහිරිපිටිය ප්‍රදේශයේ විහාරස්ථානයකදී භික්ෂූන් වහන්සේනමක් ඝාතනය කිරීමේ සිද්ධිය සම්බන්ධයෙන් අත්අඩංගුවට ගත් සැකකරු අත්අඩංගුවේ සිට පළායෑමට උත්සාහ කිරීමේදී පොලිස් වෙඩි පහරින් මියගොස් ඇති බව පොලිසිය පවසයි.
සැකකරු අත්තනගල්ල යටවක ප්‍රදේශයේ සඟවා ඇති බව කියන අවි ආයුධ සොයාගැනීමට නිලධාරීන් පිරිවරාගෙන සිට ඇති අතර ඔහු පළායෑමට උත්සාහ කිරීමේදී පොලිස් නිලධාරීන්ට වෙඩි තැබීමට සිදු වූ බව පොලිසිය පවසයි.
පසුගිය ජනවාරි මාසයේදී මල්වතුහිරිපිටිය ප්‍රදේශයේ විහාරස්ථානයකදී වෙඩි තබා ඝාතනය කළ භික්ෂූන් වහන්සේනමක් ඝාතනය කිරීමේ සිද්ධියේ වෙඩික්කරුවා ලෙස සැළකෙන සැකකරු පොලිසිය ඊයේ අත්අඩංගුවට ගනු ලැබීය.
32 හැවිරිදි සැකකරු මොණරාගල – හම්බේගම ප්‍රදේශයේදී අත්අඩංගුවට ගෙන ඇති අතර, ඔහු වෙඩි තැබීම සිදුකළ තුවක්කුකරු බවට සැකකෙරේ.
ජනවාරි 23 වැනිදා අලුයම ගම්පහ මල්වතුහිරිපිටිය ප්‍රදේශයේ විහාරස්ථානයක් තුළදී මෝටර් රථයකින් පැමිණි සිව් දෙනෙකුගෙන් යුත් ප්‍රහාරක පිරිසක් විසින් භික්ෂූන් වහන්සේනමකට වෙඩි තබා ඝාතනය කරන ලදී.
45 හැවිරිදි බෞද්ධ භික්ෂුව සිද්ධියෙන් බරපතළ තුවාල ලැබූ කලපලුවාවේ ධම්මරතන හිමි ගම්පහ රෝහලට ඇතුළත් කර තිබේ. එහෙත් පසුව භික්ෂුව ප්‍රතිකාර ලබමින් සිටියදී තුවාල ලබා මියගියේය.
මෙම ඝාතනයට සම්බන්ධ බව කියන සැකකරුවන් හත්දෙනකු මේ වනවිට පොලිසිය අත්අඩංගුවට ගෙන ඇත.
සිව්වැනි සැකකරු සන්තකයේ තිබී ප්‍රහාරකයන් භාවිත කළ බවට සැක කෙරෙන ටී 56 ගිනි අවිය සහ වෙඩි තැබීමට යොදාගත් මෝටර් රථයේ දුරස්ථ ස්විචය ද සොයාගෙන තිබේ.
