අනිකාට පහරදුන්නැයි වැලිගම W15 හෝටලය හිමි මුසම්මිල්​ගේ පුතාව පොලිසිය සොයයි!

ඌව පළාත් ආණ්ඩුකාර ඒ.ජේ.එම්. මුසම්මිල් මහතාගේ පුත්‍රයෙකු වන මොහොමඩ් ඉෂාම් ජමල්දීන් මහතා (හාඩි) විසින් කළ පහරදීමකින් තරුණියක තුවාල ලබා රෝහල්ගතකර ඇතැයි වැල්ලවත්ත පොලිසියට පැමිණිල්ලක් ලැබී ඇතැයි වාර්තා වේ.

සිද්ධිය සම්බන්ධයෙන් ඔහුව අත්අඩංගුවට ගැනීමට පොලීසිය පරීක්ෂණ ආරම්භ කර ඇතැයි වාර්තා වේ.

සැකකරු මේවන විට සැඟව සිටින බව පොලිසිය කියා සිටී.

හැව්ලොක් උද්‍යාන මාවතේ මහල් නිවාස සංකීර්ණයක දි මෙම පහරදීම සිදුව ඇතැයි පැවසේ.

ඊයේ අලුයම එකට පමණ එම මහල් නිවාස සංකීර්ණයට පැමිණ ඇති අදාළ පුද්ගලයා එම තරුණියට පහරදී ඇති බව වාර්තා වේ.

පහරදීමෙන් බරපතල තුවාල ලැබු තරුණිය කොළඹ පෞද්ගලික රෝහලකට ඇතුළත් කර නේවාසිකව ප්‍රතිකාර ලබන බව පැවසේ. 

මෙලෙස පහර කැමට ලක්ව ඇත්තේ අනිකා විලියම්සන් නමැති තරුණියක් වන අතර, ඇය එම මහල් නිවාස සංකීර්ණයේ තනිවම වාසය කරන තැනැත්තියක් බවද පැවසේ.

ඔස්ට්‍රේලියානු ජාතිකයෙකු සමඟ විවාහ වි සිටින ඇය ප්‍රකට ව්‍යාපාරිකයකුවන ඒලියන් ගුණවර්ධ​න මහතාගේ දියණියයි.

ඇය ජැට් හෝල්ඩිංග්ස් හි අධ්‍යක්ෂවරියක් ලෙසද සේවය කරනු ලබයි.

පසුගියදා, වැලිගම ප්‍රදේශයේ හෝටල් පරිශ්‍රයක් තුළ පොලිසිය හා පොලිසිය අතරම වෙඩි තබා ගැනීමක් සිදුවූ සිද්ධියට අදාළ හෝටලය වන වැලිගම W15 හෝටලය ද මොහොමඩ් ඉෂාම් ජමල්දීන් මහතාට (හාඩි) අයත් එකක් බව පැවසේ.

මූලාශ්‍රය – හිරු