‘මම දිනුම්’! හිරේ ඉන්න ඉම්රාන් වීඩියෝ පණිවුඩයක් නිකුත් කරයි! හිටපු අගමැති නවාසුත් ආණ්ඩු පිහිටුවන උත්සාහයක!

සිරගත කර සිටින පාකිස්තානයේ හිටපු අගමැති ඉම්රාන් ඛාන් මහ මැතිවරණයෙන් ජයග්‍රහණය කළ බවට ඔහු විසින් ප්‍රකාශ කර තිබේ.

විදෙස් වාර්තා සඳහන් කළේ, එය සමරන ලෙස ඔහු සිය ආධාරකරුවන්ගෙන් ඉල්ලා ඇති බවයි.

ඉම්රාන් ඛාන් සම්බන්ධ ස්වාධීන අපේක්ෂකයින් මේ වන විට ආසන වැඩි ප්‍රමාණයක් ජයග්‍රහණය කර ඇති අතර, බහුතර ආසන සංඛ්‍යාව ප්‍රකාශයට පත් කර තිබේ.

කෙසේ වෙතත් තවත් හිටපු අගමැතිවරයෙකු වන නවාස් ෂරීෆ් පවසන්නේ, තම පක්ෂය විශාලතම පක්ෂය බවට පත් ව ඇති බැවින් තමන් සමඟ සන්ධානයට එක් වන ලෙසයි.

විදෙස් වාර්තා පවසන්නේ, සමස්ත බහුතරයක් දිනා ගැනීමට කිසිදු කණ්ඩායමක් හෝ පක්ෂයක් සමත් වී නොමැති බව නිකුත් කර ඇති ඡන්ද ප්‍රතිඵලවලින් නිරීක්ෂණය වන බවයි.

AI භාවිතයෙන් නිර්මාණය කරන ලද X හි පළ කරන ලද වීඩියෝ පණිවිඩයක් මඟින් ඉම්රාන් ඛාන් පවසා ඇත්තේ, ඔහුගේ පකිස්තාන් ටෙහ්රීක්-ඊ-ඉන්සාෆ් පීටීඅයි පක්ෂය විශිෂ්ට ජයග්‍රහණයක් ලබා ගෙන ඇති බවයි. 

තමාට තනි ව රජයක් පිහිටුවීමට ආසන සංඛ්‍යාවක් නොමැති බව නවාෂ් ෂරීෆ් මහතා පිළි‍ගෙන ඇති බව විදෙස් වාර්තා සඳහන් කර ඇත.

ලාහෝර් නගරයේ පිහිටි තම පක්ෂ මූලස්ථානයෙන් පිටත ආධාරකරුවන් අමතමින් ඔහු ඉල්ලා ඇත්තේ, තමා සමඟ සභාග රජයක් පිහිටූවීමට එක් වන ලෙසයි.