gossip lanka news line gossip lanka news line gossip lanka news line gossip lanka news line gossip lanka news line
gossip lanka gossip lanka
gossip lanka gossip lanka gossip lanka gossip lanka gossip lanka

කුඩු බාසික්ගේ අනවසර හෝටලයක් පොලිස් ආරක්ෂාව මැද වෙරළ සංරක්ෂණයෙන් බාගෙට කඩයි! (video)

දැනට ඩුබායිහි සිටින ප්‍රධානම මත්කුඩු ජාවාරම්කරුවෙක් වූ සිරාන් බාසික් සිය බලය යොදාගෙන දෙහිවල වෙරළ තීරයේ අනවසරයෙන් ඉදිකර තිබූ  බව කියන  Soul beach හෝටලය වෙරළ සංකරක්ෂණ නිලධාරීන් විසින් පොලිස් ආරක්ෂාව සහිතව ඊයේ (01) පෙරවරුවේ  කඩා ඉවත් කිරීම ආරම්භ කළත් හෝටලයේ  කොටසක් පමණක් කඩා එම කටයුත්තට යෙදවූ බැකෝ යන්ත්‍ර ඇතුළු උපකරණ රැගෙන ස්ථානයෙන් ඉවත් වී තිබේ. 
ශිරාන් බාසික්ට අයත් යැයි සැක කරෙන මෙම අනවසර දේපළ ඉවත් කිරීම සඳහා  දෙහිවල ගල්කිස්ස පොලිස් ස්ථානවලට අයත් පොලිස් නිලධාරින් සහ කැරළි මර්ධන අංශද ගෙන්වා තිබිණි. මෙම ඉවත් කිරීමත් සිදුකරනු ලැබ තිබුණේ යුක්තිය මෙහෙයුමේ කොටසක් ලෙසට බව කියැවිනි.

අනතුරුව මෙම ඉදිකිරීම ඉවත් කිරීමට පොලිසියේ සහාය ඇතිව  වෙරළ සංරක්ෂණ නිලධාරීන් කටයුතු කරමින් සිටිය දී  හෝටලයේ කොටස් කරුවෙක් වූ මොහොමඩ් රිෆා නැමැත්තෙක් පොලිසියෙන් ප්‍රශ්න කර සිටියේ මෙම දේපල ඉවත් කිරිම සදහා උසාවි නියෝගයක් පවතී ද යන්නය.

මොහොමඩ් රිෆා  මාධ්‍යයට මෙසේ කීවේය.

“අනවසර ඉදිකිරීමකට වෝටර් බෝඩ් ඇපෘවල් දෙනව ද?.  ත්‍රී පේස් ලයින් එක දෙනව ද?. අපි අවුරුදු දෙකක් මේක හදනකම් ඇයි වෙරළ සංරක්ෂණය බලාගෙන හිටියේ?.  අද උදේ කාටවත් කියන්නෙ නැතිව ඇවිත්  මේක බලෙන් කඩාගෙන යනවා. මේක කඩන්න උසාවි නියෝගයක් තියනව ද?. පොලිසියෙන් මොනවා හරි  චෝදනා කරනවා නම් ඒ චෝදනා ඔප්පු කරන්න කියන්න ඕන.”

මේ තර්කයම මතුකරමින් ප්‍රශ්න කරද්දී  මෙම හෝටලයේ අධ්‍යක්ෂවරයෙක් ලෙස කටයුතු කළ පුද්ගලයෙක් පොලිස් අත් අඩංගුවට ගත්තේය. ඔහු විභාග ප්‍රශ්නපත්‍ර වංචාවක් සම්බන්ධව චෝදනා ලද ප්‍රසිද්ධ  උපකාරක පන්ති ගුරුවරයෙක් වූ සම්පත් අත්තටගේය.  ඔහු සමග තවත් පුද්ගලයින් තිදෙනෙක් පොලිස් රාජකාරියට බාධා කිරීමේ චෝදනාව මත  අත් අඩංගුවට පත් විය.

මේ ආකාරයේ විරෝධතා මතුවීමත් සමග ආරම්භ කළ  කාර්ය සම්පූර්ණයෙන් අවසන් කිරීමට පෙර බැකෝ යන්ත්‍ර එම ස්ථානයෙන් රැගෙන  වෙරළ සංරක්ෂණ නිලධාරීන් සහ ආරක්ෂාවට හිටි පොලිසිය ඉවත් වී තිබිණි.

Soul beach හෝටලයේ හිකරු බව කියන සිරාන්  බාසික් කවුද?

සිරාන් බාසික්  යනු පොලිසිය විසින් අත් අඩංගුවට ගෙන පැවරූ සියලුම නඩුවලින් නිදහස් වී රටින් පැනගෙන ඩුබායිවල සිට සිය මත්කුඩු ජාවාරම පවත්වාගෙන යන අපරාධකරුවෙකි.

මීට පෙර ඔහුගේ අතාර්කිකව වත්කම් ලෙස හඳුනා ගත් දේපල කීපයක්ම අපරාධ පරීක්ෂණ දෙපාර්තමේන්තුවේ අපරාධ මූල්‍ය කොට්ඨාසය විසින් තහනම් කර තිබිණි. මෙම හෝටලයත් අපරාධ මූල්‍ය කොට්ඨාසය විසින් තහනම් දේපලක් ලෙස නම් කිරීමට සූදානම්ව සිටි අවස්ථාවේ දී වෙරළ තීරයේ ඉදිකළ අනවසර ඉදිකිරීමක් ලෙස වෙරළ සංරක්ෂණ නිලධාරීන් විසින් නම් කර තිබිණි.  අද කඩා දැමීමට උත්සාහ කළේ එම ඉදිකිරීමය.

මින් පෙර සිරාන් බාසික්ට අයත් වැල්ලවත්තේ හෝටලයක් ද අපරාධ මූල්‍ය කොට්ඨාසය විසින් තහනම් කළේය. එමෙන්ම සිරාන්  බාසික්ගේ පුතා විසින් භාවිත කළ සුඛෝපභෝගී වාහන දෙකක් ද තහනම් කිරීමට කටයුතු කෙරිනි.

එසේ තිබිය දී  පසුගිය දා ප්‍රකාශයට පත් කර නොපැවැත්වුන ප්‍රාදේශීය සභා මැතරවරණයේ දී  දෙහිවල ගල්කිස්ස නගර සභාවට ශ්‍රී ලංකා නිදහස් පක්ෂයෙන් තරග කිරීමට නාම යෝජනා ලද සිරාන් බාසික්ගේ පුතා අසීමිත    මුදල් ප්‍රමාණයක් වැය කරමින් ඡන්ද ව්‍යාපාරයක නිරත වූ බව බුද්ධි අංශ හෙළි කරගෙන තිබිණි.
-lankasara
gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka