රනිල් මාස දාහතරට විදේශ සංචාර දාහතරයි.. මෙහෙම නඩත්තු කරන්න ඕනේ මිනිහෙක්ද මේ... - අනුර දිසානායක

රනිල් වික්‍රමසිංහ මහතා ජනාධිපති ධුරයට පත්ව මාස දාහතරක් තුළ විදේශ සංචාර දාහතරක ගොස් ඇති බව ජාතික ජන බලවේගය නායක අනුර කුමාර දිසානායක මහතා සඳහන් කරයි.

මේ රටේ මේ ආකාරයෙන් ජනාධිපතිවරුන් විදේශගතවී ඇත්දැයි ප්‍රශ්න කළ ඔහු මුල්‍ය විනය පළමුව රැකිය යුත්තේ ජනාධිපතිවරයා විසින් බවද කියා සිටියේය.

‘මෙහෙම නඩත්තු කරන්න ඕනේ මිනිහෙක්ද අපේ රටේ’ යයිද ඔහු ඇසීය.

ජනාධිපතිවරයා ජනාධිපති කාර්යාලයේ සිට පාර්ලිමේන්තුවට එන විට පසු පස්සෙන් ගිලන් රථයක් පැමිණෙන්නේ ලෙඩෙක් නිසා දැයි ඔහු විමසීය.

හිටපු ජනාධිපති මහින්ද රාජපක්ෂ මහතා ද පාර්ලිමේන්තුවට එන විට පසු පසින් ගිලන් රථයක් පැමිණෙන බවත් මේවා ජාතික ජනය නාස්ති කරන වැඩකටයුතු බවත් ඔහු පැවසීය.

අද පාර්ලිමේන්තුව අමතමින් ඒ මහතා මෙම අදහස්  පළ  කරන  ලදී.