උත්සවයේදී ඩීපී එඩියුකේෂන් නිර්මාතෘ හා සභාපති ධම්මික පෙරේරා මහතා විසින් ප්‍රධාන දේශනය සිදුකළ අතර, එහිදී තොරතුරු තාක්ෂණය ඉගෙනීමේ ඇති වැදගත්කම, අනාගතයේ රැකියා වෙළඳපොලෙහි ඇතිවන විශාල ඉල්ලුම හා එමගින් ලංකාවට විදේශ විනිමය ලබාගැනීමේ හැකියාව මෙන්ම ලංකාවෙ කේතිකරුවන් මිලියනයක් බිහිකිරීමේ වැඩපිළිවල පිළිබඳව පැහැදිලි කරන ලදී.
මීට අමතරව එතුමා විසින් ආසියාවේ හොඳම අධ්‍යාපන ක්‍රමවේදය නිර්මාණය කිරීමට ඩීපී එඩියුකේෂන් හට වසර හතරකින් හැකිවුණ බව පවසන ලදී. පසුගිය සතියේ තායිලන්තයේ බැංකොක් නුවරදී පැවති Bett Asia සම්මාන උළෙලේදී ධම්මික සහ ප්‍රිසිලා පෙරේරා පදනම විසින් පවත්වාගෙන යන ඩීපී එඩියුකේෂන් වැඩසටහන ආසියාවේ හොඳම ඔන්ලයින් පාසල් අධ්‍යාපන වැඩසටහන වශයෙන් සම්මානයට පාත්‍ර වී තිබේ.
මෙම සම්මානය පිරිනමනු ලබන්නේ පාසල් අධ්‍යාපනය නවීකරණය සඳහා නිර්මාණශීලී නවීන තාක්ෂණික විසඳුම් භාවිතා කරන අධ්‍යාපන වැඩසටහන් සඳහා ය. වාර්ෂික පවත්වනු ලබන Bett Asia සම්මාන උළෙලේදී ආසියා පැසිෆික් කලාපය තුළ අධ්‍යාපනයේ විප්ලවීය වෙනසක් සිදුකරන අධ්‍යාපනික තාක්ෂණ ප්‍රවණතා නිර්මාණකරුවන් සහ නවෝත්පාදකයින් ඇගයීමට ලක් කරනු ලැබේ. ඉන්දියාව, තායිලන්තය, මැලේසියාව, ජපානය, කොරියාව, සිංගප්පූරුව සහ චීනය යන සෙසු තරගකරුවන් අබිබවා ඩීපී එඩියුකේෂන් ආයතනය මෙහිදී ආසියාවේ හොඳම ඔන්ලයින් පාසල් අධ්‍යාපන වැඩසටහන වශයෙන් පළමු ස්ථානයට පත්වීම විශේෂත්වයකි.
ලංකාව සංවර්ධනය කිරීමට නම් ඇනලොග් යුගයෙන් ඩිජිටල් යුගයකට යා යුතු බවත්, මේ වනවිටත් අනෙකුත් රටවල් ඩිජිටල් යුගයකට ගොස් ඇති බැවින් තමන් ශ්‍රී ලංකාවද ඩිජිටල් යුගයක් කරා ගෙනයාමට සූදානම් බව එතුමා විසින් තව දුරටත් පවසන ලදී. ඩීපී එඩියුකේෂන් සමග මාස 7ක පමණ කාලයක් අධ්‍යාපනය ලැබූ සිසුන්ට, ආයතනවලින් ඔවුන්ව රැකියා සඳහා ඇරයුම් කළ බවද එතුමා එහිදී පවසන ලදී.
ආරම්භක දේශනය ප්‍රධාන විධායක නිලධාරි කෞෂි අමරසිංහ මෙනෙවිය විසින් සිදුකරන ලදී. එහිදී ඩිජිටල් සාක්ශරතාවෙන් යුත් ශ්‍රම බලකායක් බිහිකිරීම සහ ඔවුන් සක්‍රීය ඩිජිටල් ආර්ථිකයක රැකියා වෙළෙඳපොළට සහභාගි කරගැනීම සම්බන්ධයෙන් ඩීපී එඩියුකේෂන් හි කාර්යභාරය ගැන පැහැදිලි කෙරුණි. ආරාධිත දේශනය ශ්‍රී ලංකා ICTAහි සභාපති, හිටපු ජ්‍යේෂ්ඨ මහාචාර්ය සහ මොරටුව විශ්ව විද්‍යාලයේ හිටපු උපකුලපති මලික් රණසිංහ මහතා විසින් සිදුකරන ලදී.
උත්සවයේදී ඩීපී එඩියුකේෂන් හි නව සන්නාම කිහිපයක් නිර්මාතෘ හා සභාපති ධම්මික පෙරේරා මහතා අතින් දියත් කරන ලදී.
ඒවා වන්නේ,
1. ඩීපී එඩියුකේෂන් නව වෙබ් අඩවිය සහ දුරකථන යෙදවුම
2. ඩීපී කිඩ්ස් දුරකථන යෙදවුම
3. ඩීපී එඩියුකේෂන් අයි.ටී. කැම්පස්
4. මොරටුව විශ්ව විද්‍යාලයෙන් ලබාදෙන නව පාඨමාලා
5. කැලණිය විශ්ව විද්‍යාලයෙන් ලබාදෙන SAP Foundation පාඨමාලා
6. ඩීපී එඩියුකේෂන් භාෂා පාසල
භාෂා කුසලතා වර්ධනය කරගැනීමට හෝ ගෝලීය වෙළඳපොළේ ඉහළ රැකියා අවස්ථා හිමි කරගැනීමට අවශ්‍ය විවිධ භාෂා ඉගෙනීමට ඩීපී එඩියුකේෂන් භාෂා පාසල මගින් සියලුදෙනාට අවස්ථාව සලසා ඇත.
7. ඩීපී එඩියුකේෂන් ඔලිම්පියාඩ්
ඕනෑම අයෙකුට ජාත්‍යන්තර තරඟ සඳහා මෙන් ම පරිකල්පන බුද්ධිය දියුණු කරගැනීම සඳහා ඩීපී එඩියුකේෂන් වෙතින් ඔලිම්පියාඩ් ගණිතය ඉගෙනීමේ අවස්ථාව මේ හරහා උදා කර ඇත.
8. ඩීපී එඩියුකේෂන් මැජික් බිට්ස් වර්චුවල් රොබොට්ස්
ඩීපී එඩියුකේෂන් හා මැජික් බිට්ස් එක්ව සජීවීව අන්තර්ජාලය හරහා රොබෝ ෆාර්ම් හි රොබෝවරුන් පාලනය කිරීමට අවශ්‍ය දැනුම හා කුසලතා වර්ධනය කිරීම මෙහිදී සිදුවේ.
9. ඩීපී එඩියුකේෂන් ටිවෙට් අධ්‍යාපනය
ගෝලීය රැකියා වෙළඳපලේ ඉහළ ඉල්ලුමක් ඇති රැකියා සඳහා NVQ මට්ටම් 3 සහ 4 සඳහා අවශ්‍ය වන කුසලතා වර්ධනය කරගැනීමට වෘත්තීය අධ්‍යාපන පාඨමාලා ලබාදීම මෙම සන්නාමය යටතේ සිදුවේ.
10. ඩීපී එඩියුකේෂන් සත්කාරක සේවා පාඨමාලාව
ඩීපී එඩියුකේෂන් හා කේ.අයි.යූ ආයතනය එක්ව ගෝලීය රැකියා වෙළඳපලේ ඉහළ ඉල්ලුමක් ඇති සත්කාරක සේවා සැපයීම සඳහා අවශ්‍ය NVQ මට්ටම් 3 සහ 4 සුදුසුකම් ඉගැන්වීමේ තෘතියික හා වෘත්තීය පාඨමාලාව.
ඩීපී එඩියුකේෂන් හා සහසම්බන්ධ වන මයික්‍රොසොෆ්ට් ශ්‍රී ලංකා ආයතනයට හා රූස්ටර් ටෙක්නොලොජීස් ආයතන වලට ඔවුන්ගේ හවුල්කාරීත්වය වෙනුවෙන් හා ඔවුන් නොමිලේ ගුණාත්මක අධ්‍යාපනයක් ලබාදීම වෙනුවෙන් ලබාදෙන දායකත්වයට සම්මාන
ඩීපී එඩියුකේෂන් හා සහසම්බන්ධ වන මයික්‍රොසොෆ්ට් ශ්‍රී ලංකා ආයතනයට හා රූස්ටර් ටෙක්නොලොජීස් ආයතන වලට ඔවුන්ගේ හවුල්කාරීත්වය වෙනුවෙන් හා ඔවුන් නොමිලේ ගුණාත්මක අධ්‍යාපනයක් ලබාදීම වෙනුවෙන් ලබාදෙන දායකත්වයට සම්මාන
