Channel4 ප‍්‍රධාන සාක්‍ෂිකරු අසාද් මවුලානාට ස්ත‍්‍රි දූෂණ චෝදනා... එම කාන්තාවම ස්විස් තානාපතිට පැමිණිලි කරයි

සයින්දමරුතු හි ඉංග්‍රීසි ගුරුවරියක සේවය කරන මුස්ලිම් කාන්තාවක් ස්විට්සර්ලන්ත තානාපති ආචාර්ය සිරි වෝල්ට් වෙත අභියාචනයක් යොමුකරමින් තමන්ට යුක්තිය සඳහා සහාය ඉල්ලා ඇත. ශ්‍රී ලංකා ගාර්ඩියන් වාර්තා කරන අන්දමට එක්සත් ජාතීන්ගේ සරණාගත ඒජන්සියේ සේවය කරනවා යැයි කියන ස්විට්සර්ලන්තයේ පදිංචිව සිටින අසාද් මවුලානා නොහොත් මොහොමඩ් මිල්හාර් මොහොමඩ් හන්සීර් විසින් තමාට ලිංගික අතවර කළ බවට ඇය චෝදනා කරන්නීය.

2023 සැප්තැම්බර් 14 දිනැති ඇය විසින් ස්විස් තානාපතිට යොමුකර ඇති ලිපියේ, අසාද් මවුලානා නිසා ඇයට මුහුණ දීමට සිදුවූ වංචාව, පාවාදීම සහ ම්ලේච්ඡත්වය පිළිබඳ විස්තර කරන අතර යුක්තිය සහතික කිරීම සඳහා ස්විට්සර්ලන්තයේ මැදිහත්වීම ඉල්ලා සිටින්නීය.

අසාද් මවුලානා නමින් හැඳින්වෙන මොහොමඩ් මිල්හාර් මොහොමඩ් හන්සීර් නමැති පුද්ගලයා විසින් රඟපෑ ව්‍යාජ විවාහයක් නිසා මුහුණදීමට සිදුවූ තම දුක්ඛිත අත්දැකීම ඇය සිය ලිපියේ විස්තර කරයි. මෙම සාවද්‍ය විවාහය නිසා දින 10කට අධික කාලයක් පුරා තමන්ට ලිංගික අතවරවලට මුහුණ දුන් බව සඳහන් කරඇත.

හන්සීර් රටින් පලා ගොස් ඇති බවත් ඔහු ස්විට්සර්ලන්තයේ එක්සත් ජාතීන්ගේ සරණාගතයින් පිළිබඳ මහ කොමසාරිස් (UNHCR) හි සේවයේ යෙදී සිටින බව වාර්තා වී තිබේ. විවිධ මූල්‍ය වංචා රාශියකට සැකකරුවකු වන මෙම අස්දාල් මවුලානා පසුගියදා චැනල් 4 නාලිකාව විසින් විකාශනය කළ වැඩසටහනකදී පාස්කු ප්‍රහාරය ශ්‍රී ලංකාවේ බුද්ධි අංශය සහ ගෝඨාභය රාජපක්ෂ මහතා විසින් සැලසුම් කළ එකක් බව චෝදනා කළේය.

ඇගේ අභියාචනයේ දී, ඇය මානව හිමිකම් සහ යුක්තිය සඳහා කැපවීම සඳහා ප්‍රසිද්ධ ජාතියක් වන ස්විට්සර්ලන්තයෙන් ඉල්ලා සිටින්නේ යුක්තිය සහතික කිරීම සඳහා එහි රාජ්‍යතාන්ත්‍රික මාර්ග සහ බලය භාවිතා කරන ලෙසයි.

“මම ස්විට්සර්ලන්තය දෙස බලා සිටින්නේ දයානුකම්පාව, යුක්තිය සහ මානව ගරුත්වය පිළිබඳ සාරධර්ම ආදර්ශමත් කිරීමටයි,” ඇය සිය අභියාචනයේ සඳහන් කර ඇත.

තානාපති ආචාර්ය සිරි වෝල්ට් වෙත යවන ලද ලිපිය ස්විට්සර්ලන්තයෙන් ඉල්ලා සිටින්නේ යුක්තිය වෙනුවෙන් සටන් කරන ලෙසත්, කෲරත්වය සහ අයුක්තිය හමුවේ එහි සදාචාරාත්මක බැඳීම් ආරක්ෂා කරන ලෙසත්ය.

මූලාශ‍්‍රය මෙතනින්..