පසුගිය 23 වැනිදා පැවති එම හමුවේදී ඔවුන් වර්තමාන දේශපාලන තත්ත්වය සහ ඉදිරි දේශපාලන කටයුතු පිළිබඳ සාකච්ඡා කළ බවයි වාර්තා වන්නේ.
හිටපු ජනාධිපතිවරයාගේ කොළඹ පිහිටි නිල නිවසේදී මෙම හමුව පැවති අතර, එහිදී ඉදිරි මැතිවරණයකදී දේශපාලන වශයෙන් සන්ධානගත වීමට අදාළ මූලික සාකච්ඡාද පවත්වා තිබෙනවා.
රටේ ඉදිරි ආර්ථික කටයුතු, විදේශ සබඳතා දේශීය හා විදේශීය ආයෝජන ඇතුළු කරුණු කිහිපයක් සම්බන්ධයෙන්ද මෙහිදී අවධානය යොමුව ඇති බව සඳහන්.
මෙම සාකච්ඡාවේදී ඔවුන් ශ්රී ලංකා නිදහස් පක්ෂය සමඟ යළිත් එක්වීම සම්බන්ධයෙන් කතාබහ කළ බවට වාර්තා පළ වූවත්, ඒ සම්බන්ධයෙන් දෙපාර්ශවය අතර ඍජුව අදහස් හුවමාරු වී නැහැ.
මෙම සාකච්ඡාව සඳහා ශ්රී ලංකා නිදහස් පක්ෂය නියෝජනය කරමින් අමාත්ය මහින්ද අමරවීර, ජාතික සංවිධායක දුමින්ද දිසානායක, රාජ්ය අමාත්ය ලසන්ත අලගියවන්න යන මහත්වරුන් ඇතුළු පිරිසක් එක්ව ඇති බවයි තවදුරටත් වාර්තා වන්නේ.
