ඔරුගොඩවත්ත සම්බුද්ධාලෝක විහාරස්ථානය හෙට කඩා ඉවත් කරයි - RDA දැනුම් දෙයි

ඔරුගොඩවත්ත සම්බුද්ධාලෝක විහාරස්ථානය කඩා ඉවත් කිරීම සඳහා මාර්ග සංවර්ධන අධිකාරිය විසින් දින නියම කර තිබේ.

ඒ අනුව හෙට දිනයේ මෙම විහාරස්ථානය කඩා ඉවත් කරන බවට පොලිසිය විසින් දැනුවත් කර ඇත.

මේ සඳහා වන අධිකරණ නියෝගයක්ද ඇතැයි දැනුවත් කර තිබේ.

කෙසේ වෙතත් විහාරාධිපති හිමියන් සඳහන් කරන්නේ මෙම විහාරස්ථානය 1989 සිටම බෞද්ධ කටයුතු දෙපාර්තමේන්තුවේ ලියාපදිංචි වී ඇති බවයි.

මෙම තීරණයට එරෙහිව හෙට දිනයේ එම විහාරස්ථානය ඉදිරියේ විරෝධතාවයක් සංවිධානය කර ඇත.