එලෙස බන්ධනාගාරගත කෙරුණු පිරිස අතර ගොවිපොළේ හිමිකරුද වෙයි. නාරම්මල බිහල්පොල බන්දුල ෆාම් ආයතනයේ බිත්තර තොග සඟවා තබා ඇතිද යන්න පිළිබඳ පරීක්ෂා කිරීමට යෑමේදී රාජකාරියට බාධා කරමින් ආයුධ ඇතැතිව පැමිණි පිරිසක් පාරිභෝගික කටයුතු පිළිබඳ අධිකාරියේ කුරුණෑගල දිස්ත්‍රික් කාර්යාලයේ නිලධාරීන්ට බරපතළ ලෙස ප්‍රහාරයක් එල්ල කළේ පෙරේදා (4) ය. මේ සම්බන්ධ නාරම්මල පොලිසියේ පැමිණිලි කොට අදාළ නිලධාරීන් රෝහල්ගත කිරීමට යොමු කිරීමට කටයුතු කර තිබේ.
මේ ආයතනය සම්බන්ධයෙන් පාරිභෝගික කටයුතු පිළිබඳ අධිකාරිය වෙත දිගින් දිගටම පැමිණිලි ලැබී තිබූ අතර, ඒ සම්බන්ධව උපාය දූතයකු මඟින් කරුණු තහවුරු කරගැනීමක්ද සිදු කරගැනීමට එම අධිකාරිය ක්‍රියා කර ඇත. වැටලීමට අධිකාරියේ කරුණෑගල දිස්ත්‍රික්ක නිලධාරි 8 දෙනකු ගොස් ඇති අතර, ඉන් 5 දෙනකු මේ ප්‍රහාරයට ලක් වීම හෙතුවෙන් රෝහල්ගත කර ඇත.
