නාමල්ට එරෙහි මුදල් විශුද්ධිකරණ නඩුව! සාක්කි කැඳවීමකින් තොරවම නාමල් නිදහස් කරන්නැයි නාමල්ගේ නීතිඥයන්ගෙන් උසාවියට ඉල්ලීමක්!
මෙම නඩුව අද (11) කොළඹ මහාධිකරණ විනිසුරු නවරත්න මාරසිංහ මහතා ඉදිරියේ කැඳවනු ලැබූ අතර එහිදී පැමිණිල්ලේ සාක්ෂි විමසීම අවසන් කෙරුණා.
ඉන් අනතුරුව නාමල් රාජපක්ෂ වෙනුවෙන් පෙනීසිටි ජනාධිපති නීතිඥ ගාමිණී මාරපන ඇතුළු විත්තියේ නීතිඥවරු අධිකරණය හමුවේ ඉල්ලීමක් කරමින් ප්රකාශ කළේ තම සේවාදායකයන්ට එරෙහිව ප්රමාණවත් සාක්ෂි අනාවරණ වී නොමැති හෙයින් විත්තියේ සාක්ෂි කැඳවීමකින් තොරව ඔවුන් නිදහස් කරන ලෙස ඉල්ලීමක් කිරීමට බලාපොරොත්තු වන බවයි.
ඒ අනුව එම කරුණු දැක්වීම ජූලි මස 24 දා සිදුකරන ලෙස විනිසුරුවරයා නියෝග කළා.
