gossip lanka news line gossip lanka news line gossip lanka news line gossip lanka news line gossip lanka news line
gossip lanka gossip lanka
gossip lanka gossip lanka gossip lanka gossip lanka gossip lanka

සිරුරට ගිනි තියාගෙන මැරුණා කෙනෙක් අවුරුදු එකහමාරකට පසු පණපිටින් මතුවෙයි! හබරණ පොලිසිය පඹගාලක පැටලෙයි! සිද්ධිය පසුපස මහා අපරාධයක්!

සිරුරට ගිනි තබා ගෙන සිය දිවි හානි කර ගත්තේ යැයි කී, අපරාධ රැසකට සම්බන්ධ පුද්ගලයකු වසර එකහමාරකට පසු පොලිසියට හසු වූ පුවතක් පලුගස්වැව ප්‍රදේශයෙන් වාර්තා වේ.

පොලිස් තොරතුරු සඳහන් කරන ආකාරයට සිදුවීම පෙළ ගැසෙන්නේ මෙසේය:

හබරණ, පලුගස්වැව, කුඩා රඹෑවේ ගල් වැඩපොළක් ආසන්නයේ තිබී පිලිස්සී මිය ගිය පුද්ගල සිරුරක් හබරණ පොලිසියට හමු වූයේ 2021 වසරේ ඔක්තෝබර් 29 දාය. හඳුනා ගැනීමට නොහැකි තරමට කරුකුට්ටම් වී ගිය ඒ සිරුරට මඳක් ඈතින් වැටී තිබුණු ලිපියකට අනුව මියගොස් ඇත්තේ පලුගස්වැව පදිංචිකරුවකු වූ සුදේශ් ඉලංගසිංහ (27) නමැති අයකු බවත්, මෙය සිය දිවි හානි කර ගැනීමක් බවත් නිගමනය කෙරිණි. කොල්ලකෑම්, බීමත්ව රිය පැදවීම් ඇතුළු අපරාධ රැසක් සම්බන්ධයෙන් අධිකරණයේ වරෙන්තු පවා ලබා සිටි පුද්ගලයකු වන ඔහු මෙසේ සිය දිවි හානි කර ගෙන ඇත්තේද ඒ හේතු නිසා බවට සැකයක් මතු වී තිබුණේ ඒ ලිපියේ සඳහන් වූ ඇතැම් කරුණු සලකා බැලීමේදීය. අත්අකුරු සැසඳීමේදී ඒ සුදේශ් ඉලංගසිංහගේ බව තහවුරු කර ගත් පොලිසිය මරණය සම්බන්ධයෙන් ඉදිරි කටයුතු කිරීමට පියවර ගත්තේය.

කෙසේ වෙතත් මරණය සම්බන්ධයෙන් පැවති මහේස්ත්‍රාත් පරීක්ෂණයේදී පවුලේ කිසිවකුත් සම්බන්ධ නොවීම පොලිසියට ඇති කර තිබුණේ යම් සැකයකි. එබැවින් මේ පිළිබඳ පුළුල් විමර්ශනයක් පැවැත්වීමට පොලිසිය තීරණය කළ අතර, වැඩි මනත් තොරතුරක් නොලැබුණත් ඒ විමර්ශන කටයුතු අත්හැර දමා තිබුණේ නැත.

මේ අතර පසුගිය දා කිසියම් පුද්ගලයකු සිය බිරියගේ ජාතික හැඳුනුම්පත ඉදිරිපත් කර ජංගම දුරකතන සිම් කාඩ් පතක් මිල දී ගෙන ඇති බවට පුද්ගලයකු මකුළුගස්වැව පොලිසියට කළ පැමිණිල්ලකට අනුව කළ විමර්ශනයක් ආරම්භ කෙරිණි. එහිදී අදාළ තැනැත්තා පොලිසියට ගෙන්වා ප්‍රශ්න කිරීමේදී පදිංචි ස්ථානය වශයෙන් ඔහු හබරණ ලිපිනයක් පවසා ඇති අතර, මකුළුගස්වැව පොලිසියේ නිලධාරීන් හබරණ පොලිසියට ඒ ගැන දැනුම් දී මොහුගේ අනන්‍යතාව තහවුරු කර ගැනීමට පියවර ගත්තේ ඒ අනුවය. එහිදී හෙළි වන්නේ එවැනි නමක් ඇති පුද්ගලයකු එම ලිපිනයේ නැති බවයි.

මෙහිදී හබරණ පොලිසියට සැකයක් මතු වන්නේ වසර එකහමාරකට පෙර සිය දිවි හානි කර ගත්තේ යැයි කියූ පුද්ගලයා මොහු විය හැකි බවයි. හබරණ පොලිසියේ නිලධාරීහු මකුළුගස්වැව පොලිසියට වහා ඒ බව දැනුම් දුන්හ. ඒ ඔස්සේ කළ දීර්ඝ ප්‍රශ්න කිරීමේදී හෙළි වන්නේ වසර එකහමාරකට පෙර ගිනි තබා ගෙන සිය දිවි හානි කර ගත්තේ යැයි කී පුද්ගලයා ජීවතුන් අතර සිටින බවයි.

ඒ අනුව ඔහු අත්අඩංගුවට ගෙන ප්‍රශ්න කිරීමේදී හෙළි කරනු ලබන්නේ සිය මිතුරා විසින් යාචකයකු ත්‍රිරෝද රථයක නංවාගෙන ගල් වැඩපොළ අසලට රැගෙන විත් මරා පුලුස්සා දමා මේ රඟපෑම කළ බවයි. මොහු තම බිරියගේ හැඳුනුම්පතින් සිම් කාඩ් පතක් ගත්තේ යැයි පොලිසියට පැමිණිලි කර තිබුණේ ඔහුය. ඒ අනුව මැදිරිගිරිය රණවිරුගම්මානයේ පදිංචි ඔහුගේ මිතුරකු වන ගයාන් විජේසිංහ (36) නමැති එම පුද්ගලයාද පොලිසිය විසින් අත්අඩංගුවට ගැනිණි.

මේ ගැන ගයාන් විජේසිංහ නමැති සැකකරුගෙන් කළ ප්‍රශ්න කිරීමේදී යාචකයකු මරා දැමීමක් සිදු නොවූ බවත්, සිය බිරියගේ හැඳුනුම්පතින් සුදේශ් සිම් කාඩ් පතක් මිල දී ගැනීම ගැන තමා කළ පැමිණිල්ල මත ඔහු පොලිසියට හසු වීම නිසා තමා අමාරුවේ දැමීමට බොරුවක් කියන බවත් ඔහු පොලිස් ප්‍රශ්න කිරීම් හමුවේ පවසා තිබිණි. පිලිස්සුණු සිරුර පිළිබඳ පොලිස් ප්‍රශ්න කිරීම් හමුවේ සැකකරු පවසා ඇත්තේ සුසාන භූමියකින් ගොඩ ගත් මළ සිරුරක් මෙසේ පුලුස්සා දැමූ බව සිය මිතුරා තමාට පැවසූ බවයි. ඊට තමාගේ කිසිදු සම්බන්ධයක් නැති බව සැකකරු ප්‍රශ්න කිරීම් හමුවේ දිගින් දිගටම පවසා තිබේ.

කෙසේ වෙතත් දෙදෙනාම මේ හැම දෙයක්ම දැන සිටින බවත්, අපරාධ සැලසුමටද දෙදෙනාම සම්බන්ධ බවත් පෙනී යන බැවින් ඔවුන් අනුරාධපුර මහේස්ත්‍රාත් අධිකරණයට ඉදිරිපත් කළ බව පොලිසිය කියයි. මේ වන විට ඔවුන් දෙදෙනාම සිටින්නේ ලබන 24 දා දක්වා රක්ෂිත බන්ධනාගාරගත කරනු ලැබය.

හබරණ පොලිසියේ උසස් නිලධාරියකු සඳහන් කළේ මෙතෙක් මේ අපරාධයේ සුලමුල විසඳා අවසන් නැති බවයි. සැබෑ ලෙසම මොවුන් යාචකයකු ඝාතනය කර පුලුස්සා දැමුවාද? නැති නම් මළ සිරුරක් ගොඩ ගෙන පුලුස්සා දැමුවාද? යන්න පිළිබඳ විමර්ශන සිදු කරන බවත්, ඒ සඳහා සැකකරුවන්ගෙන් ප්‍රශ්න කිරීමට අධිකරණ නියෝග ගැනීමට කටයුතු කර ඇති බවත්, ඒ අනුව ඉදිරි දිනක අනුරාධපුර බන්ධනාගාරයට ගොස් සැකකරුවන්ගෙන් ප්‍රශ්න කරන බවත් පොලිසිය වැඩි දුරටත් ප්‍රකාශ කරයි.

ගයාන් කුමාර වීරසිංහ
gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka