මේ අතර මැතිවරණ කොමිසමේ සභාපති නීතිඥ නිමල් පුංචිහේවා මහතා සඳහන් කළේ, පළාත් පාලන මැතිවරණය සම්බන්ධයෙන් පැනනැගි ඇති ගැටලු පිළිබඳව සාකච්ජා කිරීමට සියලුම දිස්ත්‍රික් තේරීම්භාර නිලධාරීන් සහ කොමිසම අතර විශේෂ සාකච්ජාවක් පසුගිය අඟහරුවාදා පැවැත් වූ බවයි.
Zoom ඔස්සේ පැවැති මෙම සාකච්ජාවේදී නිසි පරිදි මුදල් නොලැබීම හේතුවෙන් පළාත් පාලන මැතිවරණයේ ඉදිරි කටයුතු පවත්වාගෙන යාමට ඇති බාධා පිළිබඳව දිස්ත්‍රික් තේරීම්භාර නිලධාරීන් කොමිසම දැනුවත් කර ඇත.
පළාත් පාලන ඡන්ද විමසීමේ ක්‍රියාවලිය කල් යාම නිසා ගැටලු රැසක් උද්ගතව ඇති බව තේරීම් භාර නිලධාරීන් මෙහිදී කොමිසමේ අවධානයට යොමු කර ඇතැයි සඳහන් වේ.
