මෛත්‍රීගේ ශ්‍රිලනිපය ප්‍රධාන සන්ධාන 03න් එකකටවත් එක් කරගෙන නෑ!

මැතිවරණවල දීමෙන්ම ඉදිරි දේශපාලන කටයුතුල දී  එක්ව කටයුතු කිරිම සඳහා මේ වනවිට දේශපාලන පක්ෂ සහ නායකයින්ගේ සහභාගීත්වයෙන් ප්‍රධාන සන්ධාන තුනක් පිහිටුවීමට කටයුතු කර ඇතත් හිටපු ජනාධිපති මෛත්‍රීපාල සිරිසේනගේ නායකතක්වයෙන් යුතු ශ්‍රී ලංකා නිදහස් පක්ෂ  ඒ එකදු සංධානයකටවත් මේ වනතුරු එක් වී නැති බව දේශපාලන ආරංචි මාර්ග පෙන්වා  දෙයි.

ජනාධිපති ප්‍රමුඛ එජාපය ශ්‍රී ලංකා පොදු ජන පෙරමුණ සහ තවත් සුලු ජාතික පක්ෂ කීපයක් සමගත්, විපක්ෂ නායක සජිත් ප්‍රේමදාසගේ නායකත්වයෙන් යුතු සමගි ජන බලවේගය ඩලස් අලපහ්පේරුම කණ්ඩායම සහ තවත් පක්ෂ කීපයක් සමගත්, අනුර කුමාර දිසානායකගේ නායකත්වයෙන් යුතු ජාතික ජන බලවේගය පක්ෂ කීපයක් සහ බහුජන සංවිධාන සමගත් සංධානගත වීමට පියවර ගෙන ඇත.

ඒ අතර මෛත්‍රීපාල සිරිසේනගේ නායකත්වයෙන් යුතු ශ්‍රී ලංකා නිදහස් පක්ෂය රනිල් වික්‍රමසිංහ සහ සජිත් ප්‍රේමදාස ගොඩනගන සන්ධාන සමග එක්වීමට ඔවුන් සමග වෙන වෙනම සාකච්ඡා කර ඇති බව විශ්වාසකටයුතු ආරංචි මාර්ග හෙළි කරයි.
එහෙත් මේ වනතෙක් ඉහත කිසිම සන්ධානයකට ශ්‍රී ලංකා නිදහස් පක්ෂය එක් කරගෙන නැත්තේ අඩු මන්ත්‍රි පිරිසක් සිටිය දී  ඔවුන් ඉදිරිපත් කරන වැඩි කොන්දේසි නිසා බව ද වාර්තා වේ.

ශ්‍රී ලංකා නිදහස් පක්ෂය රනිල් සහ සජිත් පාර්ශව සමග පැවති සාකච්ඡාවල දි තම පක්ෂයට සම අපේක්ෂක සංඛ්‍යාවක් අතුලු තවත් ඉල්ලීම් රැසක් ඉල්ලා ඇතැයි ඉහත ආරංචි මාර්ග හෙළි කරයි.

කෙසේ වෙතත් කිසිම සන්ධානයක් මේ ඉල්ලීම් මෙතෙක් පිළිගෙන නැති බව දැනගන්නට ඇත.

- lankasara