මෙම 5 සහ 6 දිනවල ජනතා විමුක්ති පෙරමුණට සම්බන්ධ වෘත්තීය සමිති දියත් කරන විරෝධතාව පිළිබඳ තමන් සමග සාකච්ඡා නොකළ බව ලංකා ගුරු සංගමයේ ලේකම් ජෝෂප් ස්ටාලින් පවසයි.
එම විරෝධතාව පිළිබඳ තමන්ගේ විරෝධයක් නැති වුව ද සියලු දෙනා සාකච්ඡා කොට එය දියත් කළේ නම් තමන්ට ද ඊට එකතු වන්නට තිබූ බව ස්ටාලින් පෙන්වා දෙයි.
ජනතා විමුක්ති පෙරමුණ තනිව මෙම විරෝධතා ගෙන යාමට උත්සාහ කරන බව ද අධ්යාපන ගැටලු පිළිබඳ සියලු දෙනා එක්ව අරගල කළ ආකාරයට ඉදිරියට ද කටයුතු කළ යුතු බව ඔහු සඳහන් කරයි.
කෙසේ වුව ද එළඹෙන 08 වෙනිදා විරෝධතාවක් දියත් කිරීමට තමන් සූදානම් බවයි, ජෝෂප් ස්ටාලින් සඳහන් කළේ.
![](https://blogger.googleusercontent.com/img/b/R29vZ2xl/AVvXsEhNE-1wLKgi1l4M6KSJb-eRxbLpbweyBpPqIKgRc3coR6qmQxk5-JOJWIj4QiMCraxgL9_MzB0V_rFKq57arYNXKkRuvQUYqGaJb78HVCnY-ScE9pfuoos69YGZhXwDxzGYEhur4IOYpRGX/s1600/shareit.jpg)