gossip lanka news line gossip lanka news line
gossip lanka gossip lanka gossip lanka
gossip lanka gossip lanka gossip lanka gossip lanka gossip lanka

මරා දැමුණු දිනේෂ් ෂාෆ්ටර් හම්බවෙන්න ගිය BT කව්ද? 15 දෙනකුගෙන් ප්‍රශ්න කරයි!

ප්‍රකට ව්‍යාපාරික දිනේෂ් ෂාෆ්ටර්ගේ මරණය රැහැනකින් ගෙල සිරකිරීම නිසා සිදුවී ඇති බව ඊයේ (16) සවස පැවති පශ්චාත් මරණ පරීක්ෂණයෙන් නිගමනය කර තිබේ.

මිනීමැරුමට අදාළ සිද්ධිය සම්බන්ධව මේ වනවිට පුද්ගලයන් 15 දෙනකුගෙන් පමණ ප්‍රකාශ සටහන් කරගෙන ඇතැයි විමර්ශන අංශ පවසයි. 
ඒ අතර මෙම අවස්ථාවේ සහායට පැමිණි බොරැල්ල කනත්තේ සේවය කරන පුද්ගලයා ඇතුළු කිහිප දෙනෙකුගේ ප්‍රකාශ ද අන්තර්ගතය.

මම ඔතන ඉඳලා ආවා. එද්දි වාහනයක් නවත්තලා තිබුණා. එයාගේ යාළුවෙක් ද කොහෙද එක්කෙනෙක් කෑ ගහද්දි මම ගිහින් දොර ඇරියා. බලද්දි එයාගේ ඇඟේ වයර් එකක් දාලා තිබ්බේ. දකින කොට සිහිය නෑ. ඔළුව පහත් කරගෙන හිටියේ. අත්දෙක ටේප් එකක් දාලා තිබුණා. එහා පැත්තේ සීට් එකට දාලා එයාව එක්කන් ගියා. කතා කළේ නෑ. වතුරත් දුන්නා අපි. පොඩ්ඩක් ළා හුස්ම තිබුණා වගේ. යද්දි ඔළුව පහත් කරගෙන හිටියේ… සිද්ධිය සම්බන්ධව කනත්තේ සේවකයෙක් මාධ්‍යයට අදහස් දක්වමින් කියා සිටියේය.

ඝාතන සිද්ධිය සම්බන්ධයෙන් පොලිස් කණ්ඩායම් 4ක් යොදවා අඛණ්ඩ පරීක්ෂණ සිදුකරන බව පොලිසිය පවසයි.

දැනට කරගෙන යන විමර්ශන අනුව හෙළි වී ඇති තොරතුරු මෙසේය.

ජනශක්ති සමූහ ව්‍යාපාරයේ අධ්‍යක්ෂ වන 51 හැවිරිදි දිනේෂ් ෂාෆ්ටර් පෙරේදා (15) දහවල් 2.05ට පමණ කොළඹ 07 මල් පාරේ සිය නිවසින් පිටත්ව ගොස් ඇත්තේ තමන් සමග කළ ගනුදෙණුවක දී රුපියල් කෝටි 143ක් වංචාකළ බව කියන BT නැමැති ව්‍යාපාරිකයෙක් හමුවීමට බව ඔහු කළමනාකාරීත්වය දරන සමාගමක විධායක නිලධාරියෙකුට දන්වාය.

ඒ අනුව විධායක නිලධාරියා ෂාෆ්ටර්ට පවසා ඇත්තේ සර් මට සර්ගේ Live Location එවන්න යනුවෙනි.

කෙසේ වෙතත් BT නමින් හඳුන්වන ව්‍යාපාරිකයා හමුවීමට යායුතු බවට එදින පෙරවරුවේ ෂාෆ්ටර් පවසා තිබුණ ද පස්වරුවේදි නිවසින් පිටව ගියේ BT නමැති ව්‍යාපාරිකයා හමුවීමටම ද යන්න පිළිබඳ නිෂ්චිත තොරතුරක් අනාවරණ වී නොතිබිණි.

දිනේෂ් ෂාෆ්ටර් දහවල් 2.05ට පමණ නිවසින් පිටත්ව ගිය බව බිරිඳ අදාළ විධායක නිලධාරියාට දැනුම් දී තිබුණි.

දහවල් 2.48 ට දිනේෂ් ෂාෆ්ටර් බිරිඳට හා විධායක නිලධාරියාට ඔහු සිටින ස්ථානය සඳහන් වන Live Location හුවමාරු කර තිබේ. ඒ අවස්ථාවේ දී ඔහු බොරැල්ල සුසාන භූමියේ රැඳී සිටින බව තහවුරු වී ඇත.

විමර්ශන අංශ පවසන පරිදි ඊට විනාඩි දෙක තුනකට පසු අදාළ සංඥා බිඳ වැටි තිබේ.

මේ තොරතුරු මත උපන් සැකයෙන්වි මේ තොරතුරු මත උපන් සැකයෙන් විධායක නිලධාරියා වහාම බොරැල්ල සුසාන භූමිය අසලින් ඇති කිතුල්වත්ත පාර ඔස්සේ රාජගිරිය දෙසට පයින් ගමන් කරමින් සිටියදී දිනේෂ් ෂාෆ්ටර්ගේ රථය බොරැල්ල සුසාන භූමිය තුළ නවතා ඇති ආකාරය දැක තිබේ.

ෂාෆ්ටර් මහතා වාහනයේ රියදුරු අසුනේ සිටින අයුරුත්, රථයේ දොර ඇරදමා ඇති අයුරුත් රථය අසලට ගමන් කරමින් සිටි ඔහු දැක ඇත.

වඩාත් සමීප වනවිට ෂාෆ්ටර්ගේ දෙඅත් ප්ලාස්ටික් වයරයකින් බැඳ, ගෙල වයරයකින් සිරකර ගැටගසා පපු ප්‍රදේශයද සිරවන ආකාරයෙන් ගැටගසා ඇති අයුරු ද පෙනී තිබේ.

ඒ අවස්ථාවේ දී දිනේෂ් ෂාෆ්ටර් සිහිසුන් තත්ත්වයේ පසු වී ඇත. විධායක නිලධාරියා හැකි ඉක්මනින් ෂාෆ්ටර්ගේ දෙඅත් හා ගෙල සිරකර තිබූ වයර් ගලවා ඔහුගේ මුහුණට වතුර ඉසිද්දී ඔහුට කැස්සක් ඇති වී තිබේ.

අදාළ නිලධාරියා කෑගසා සහය ඉල්න්නේ ඉන් අනතුරුවය. එම අවස්ථාවේදී සුසාන භූමියේ වළවල් කපමින් සිටි පුද්ගලයින් දෙදෙනකුගේ සහාය ඇතිව වාහනයේ අනෙක් පස අසුනේ හිඳවා වහාම ජාතික රෝහල වෙත රැගෙන ගොස් තිබේ. ඒ වනවිට වෙලාව පස්වරු 3.08 පමණ වී ඇත.

පස්වරු 3.15 ට පමණ ජාතික රෝහල වෙත ගෙනැවිත් ඇති ෂාෆ්ටර් අනතුරුව හදිසි ප්‍රතිකාර ඒකකය සඳහා ඇතුළත් කර ප්‍රතිකාර ආරම්භ කර තිබිණි. එතැනින් දැඩි සත්කාර ඒකකයට මාරුකළ දිනේෂ් ෂාෆ්ටර් 15 රාත්‍රියේදීම මරණයට පත්විය.

lankasara


gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka