එම පිරිසට ඉදිරි මැතිවරණයක දී යළිත් පැමිණීමට සිදුවිය හැකි නිසා දැන් පක්‍ෂයට නොබැණ තමන්ගේ කටයුතු කරන්නැයි තමන් දැනුම් දෙන බව ද හෙතෙම සඳහන් කළේය.
දයාසිරි ජයසේකර මේ බව පැවසුවේ කොළඹ, හුණුපිටිය ගංගාරාම විහාරයේ දී පැවති බෝධි පූජා පිංකමකට සහභාගීවීමෙන් පසු මාධ්‍ය හමුවේ අදහස් දක්වමිනි.
කොවිඩ් වැළඳී සිටින පක්‍ෂ සභාපති, හිටපු ජනාධිපති මෛත්‍රීපාල සිරිසේනට සෙත් පතා පෙරේදා (08) මෙම පිංකම පැවැත්විණි.
පක්‍ෂයේ පිරිසක් පක්ෂය ගත් තීන්දුව නොසලකා ඇමතිකම් වෙනුවෙන් පක්ෂය පාවා දුන් බවත්, පක්ෂය විනාශ වී ඇති බව ඔවුන් කියන්නේ නම් එහි වගකීම ඔවුන්ම ගත යුතු බව ද මහ ලේකම්වරයා එහි දී කීවේය.
