gossip lanka news line gossip lanka news line
gossip lanka gossip lanka
gossip lanka gossip lanka gossip lanka gossip lanka gossip lanka

ඇතුළේ කතා කරන්න වෙලාව නොදෙන නිසා ඩලස්ලා පාර්ලිමේන්තුවෙන් එළියේ ක්‍රීඩාපිටියේ කතා කරයි!

ඩලස් අලහප්පෙරුම මහතා ඇතුළු නිදහස ජාතික සභාව නියෝජනය කරන මන්ත්‍රී කණ්ඩායමට පාර්ලිමේන්තුව තුල අදහස් දැක්වීමේ අවස්ථාවක් නොදෙන බව පවසමින් ඊට විරෝධය පා එම මන්ත්‍රී කණ්ඩායම අද උදෑසන පාර්ලිමේන්තු ක්‍රීඩාංගණයේ දී මාධ්‍ය හමුවක් පැවැත්වූහ.

එම කණ්ඩායම නියෝජනය කරන පාර්ලිමේන්තු මන්ත්‍රී මහාචාර්ය ජී.එල් පීරිස් මහතා පැවසුවේ රජය දියත් කර තිබෙන මර්දනය රට තුළ පමණක් නොව පාර්ලිමේන්තුවේ සභා ගර්භය තුළත් කරගෙන යන බවයි.

රජය මන්ත්‍රීවරුන් 13 දෙනෙකුට සභා ගර්භය තුළ කතා කිරීමේ අයිතියවත් අද ලබා දී නැතැයි කී මන්ත්‍රීවරයා මන්ත්‍රීවරුන්ගේ වරප්‍රසාද අතර මූලික අයිතියක් වන භාෂණයේ අයිතිය මෙලෙස අමු අමුවේ උල්ලංඝනය කිරීම පාර්ලිමේන්තු ප්‍රජාතන්ත්‍රවාදය විනාශ කිරීමක් බව සඳහන් කළේය.

මේ සම්බන්ධයෙන් පොදුරාජ්‍ය මණ්ඩලීය පාර්ලිමේන්තු සංවිධානය අන්තර් පාර්ලිමේන්තු සංවිධානය හා සාර්ක් කලාපීය සංවිධානය දැනුවත් කිරීමට ද බලාපොරොත්තු වන බව ද ජී.එල් පීරිස් මහතා කීවේය.

ජාතික සභාව පිහිටුවමු හැමෝම එකතුවී වැඩ කරමු කියන අතර මන්ත්‍රීවරු 13 දෙනකුට කතා කිරීමේ අයිතියත් අහිමි කර ඇතැයි හෙතෙම පැවසීය.

නිදහස ජාතික සභාව නියෝජනය කරන පාර්ලිමේන්තු මන්ත්‍රීවරුන් වන ඩලස් අලහ්ප්පෙරුම, මහාචාර්ය චරිත හේරත්, මහාචාර්ය චන්න ජයසුමන, නීතීඥ වසන්ත යාපා බණ්ඩාර, මහාචාර්ය ගුණපාල රත්නසේකර, නීතීඥ උදයන කිරිදිගොඩ, වෛද්‍ය තිලක් රාජපක්‍ෂ යන මහත්වරුන් ද මෙම අවස්ථාවට සහභාගී වූහ.


gossip lanka
gossip lanka gossip lanka gossip lanka gossip lanka

 
Design by Free WordPress Themes | Bloggerized by Lasantha - Premium Blogger Themes lanka mirror sinhala| ape.lk - Best classified website in Sri Lanka