තායිලන්තයට ආ ගෝඨා බහින්න හිටියේ ෆූකට් දිවයිනේ! තොරතුරු හෙළිවීමත් සමග බැංකොක් හෝටලයකට අරන් එයි! ආරක්ෂක හේතු මත ගෝඨාට හෝටලයෙන් එළියටවත් බහින්න එපා කියයි!

සිංගප්පූරුවෙන් පිටවූ ගෝඨාභය රාජපක්ෂ මහතා මේ වනවිට තායිලන්තයේ අගනුවර හෝටලයක නවාතැන් ගෙන සිටින බවත්, හිටපු ජනාධිපතිවරයාට ආරක්ෂක හේතූන් මත හෝටල් කාමරයෙහිම රැඳී සිටින ලෙස පොලිසිය උපදෙස් දී ඇති බවත් ඊයේ දින තායිලන්ත මාධ්‍ය වාර්තා කොට ඇත. 

බ්‍රහස්පතින්දා තායිලන්ත වේලාවෙන් රාත්‍රී 8 ට පමණ දොන් මුවැන්ග් ජාත්‍යන්තර ගුවන්තොටුපළට යාබද හමුදා ගුවන් තොටුපළේ වින්ග් 6 හි සිංගප්පූරුවේ සිට කුලී ගුවන් යානයකින් රාජපක්ෂ මහතා ඇතුලු තවත් පුද්ගලයින් තිදෙනෙකු තායිලන්තයට පැමිණ තිබිණ

කණ්ඩායම ෆුකෙට් දිවයින වෙත ගොඩ බැසීමට සැලසුම් කර තිබූ නමුත් තොරතුරු පිටස්තරයන්ට හෙළිවීමත් සමග ගුවන් යානය බැංකොක්හි හමුදා ගුවන් තොටුපළ වෙත හරවා යැවීමට හේතු වූ බව බැංකොක් පෝස්ට් පුවත්පත වාර්තා කළේය. ;

කෙසේවෙතත් හෝටලයේ ස්ථානය හෙළි නොකළ අතර රාජපක්ෂ මහතාගේ ආරක්ෂාව සඳහා විශේෂ ශාඛා කාර්යාංශයේ සිවිල් ඇඳුමින් සැරසුණු පොලිස් නිලධාරීන් යොදවා ඇත. ‍

හිටපු ජනාධිපතිවරයාට රට තුළ රැඳී සිටින කාලය තුළ හෝටලය තුළම රැඳී සිටින ලෙස නිලධාරීන් ඉල්ලා ඇතැයි වාර්තාවේ.

රාජපක්ෂ මහතා බැංකොක් වෙත පැමිණියේ සිංගප්පූරුවේ වීසා කාලය අවසන් වූ දිනයේමය.

ඔහු වෙනත් රටක ස්ථීර සරණාගතභාවය ලබා ගැනීමට පෙර තාවකාලික රැඳී සිටීම සඳහා තායිලන්තය වෙත පැමිණ තිබේ.