රනිල්ට ඡන්දය දෙන්නැයි මන්ත‍්‍රීන් 104කට කෝටිය බැගින් ඇඩ්වාන්ස් දීලා!

රනිල් වික්‍රමසිංහ මහතාට ජනාධිපති වීම සඳහා අවශ්‍ය ඡන්ද ලබාගැනීමේ අරමුණින් මන්ත්‍රීවරුන් මිලදී ගැනීමේ මෙහෙයුමක් ආරම්භ කර ඇතැයි පෙරටුගාමී සමාජවාදී පක්ෂය සඳහන් කරයි.

මේ වන විටත් මන්ත්‍රීවරුන් 104 දෙනෙකුට රුපියල් කෝටිය බැගින් අත්තිකාරම් මුදල් ලබා දී ඇති බවද එම පක්‍ෂ අධ්‍යාපන ලේකම් පුබුදු ජයගොඩ මහතා පැවසීය.

පසුගිය මැයි 09 දා ඇතිවූ කලහාකාරී වාතාවරණය දී නිවාස විනාශ වූ මන්ත්‍රීන්ට මේ වන විට ගෘහ භාණ්ඩ සහිත මහල් නිවාස ලබා දී ඇති බවද හෙතෙම සඳහන් කළේය.

පෙරටුගාමී සමාජවාදී පක්‍ෂය විසින් පැවති මාධ්‍ය හමුවකදී ඔහු මේ අදහස් පල කරන ලදී.