සිවිල් යුද්ධයේ අවසන් අදියරේ දී හිටපු ජනාධිපති ගෝඨාභය රාජපක්ෂ මහතා විසින් සිදු කරන ලද මැදිහත් වීම සම්බන්ධයෙන් ඔහු අත් අඩංගුවට ගන්නා ලෙස ඉල්ලමින් ප්රබල මානව හිමිකස් සංවිධානයක් සිංගප්පූරු නීතිපතිවරයා වෙත පැමිණිල්ලක් ගොනු කර තිබේ.
හිටපු ජනාධිපතිවරයාට එරෙහිව චෝදනා ගොනු කර තිබෙන, සත්යය සහ යුක්තිය සදහා වූ ජාත්යන්තර ව්යාපෘතිය [The International Truth and Justice Project (ITJP) ] නම් එම සංවිධානය චෝදනා කරන්නේ, සිවිල් යුද්ධයේ අවසන් සමයේ දී රටේ ආරක්ෂාව භාර ප්රධානියා ලෙස ගෝඨාභය රාජපක්ෂ, ජිනීවා සම්මුතීන් බරපතල ලෙස උල්ලංඝණය කර ඇති බවයි.
සත්යය සහ යුක්තිය සදහා වු ජාත්යන්තර ව්යාපෘතිය – දකුණු අපි්රකාව පදනම් කරගත් සංවිධානයකි.
විශ්වීය අධිකරණ බලය මත පදනම්ව, ගෝඨාභය රාජපක්ෂ මහතාට එරෙහිව එල්ල වී තිබෙන චෝදනා සම්බන්ධයෙන් සිංගප්පූරුවේ දී ඔහුට නඩු පැවරිය හැකි බව එම සංවිධානය පවසයි.
මේ සම්බන්ධයෙන් විමසීම සදහා දැනට සිංගප්පූරුවේ රැදී සිටින ගෝඨාභය රාජපක්ෂ මහතා සම්බන්ධ කර ගැනීමට රොයිටර් පුවත් සේවය උත්සාහ දරා ඇති නමුත්, එම උත්සාහය අසාර්ථක වූ බව පවසා තිබේ.
රොයිටර් පුවත් සේවය, සිංගප්පූරුවේ නීතිපති දෙපාර්තමේන්තුව හා සම්බන්ධ වී ඇති අතර, ජූලි මාසයේ 23 වන දා සත්යය හා යුක්තිය සදහා වූ ජාත්යන්තර ව්යාපෘතිය නම් සංවිධානයෙන් තමන්ට ලිපියක් ලැබී තිබෙන බව ඔවුන් රොයිටර් පුවත් සේවය වෙත තහවුරු කර තිබේ.
මීට පෙර, කැලිෆෝනියාවේ වාහන නැවතුම් පොළක දී ගෝඨාභය රාජපක්ෂ මහතාගේ අතට කිසියම් නිළධාරිනියක විසින් ලිපිගොනුවක් භාර දෙන ඡුායාරූප මෙරට මාධ්යය මගින් විකාශය කළ අතර, එම ලිපි ගොනුව, ගෝඨාභය රාජපක්ෂ මහතාට එරෙහිව සත්යය සහ යුක්තිය සදහා ජාත්යන්තර ව්යාපෘතිය [ITJP] විසින් මීට පෙර පවරන ලද නඩුවකට අදාල බව පැවසේ.
-mawrata