විමර්ශන වල අඩුපාඩු කියමින් කල් නොමරා සිද්ධිය පිළිබඳව හරියට විමර්ශන කොට අධිකරණයට කරුණු වාර්තා කරන ලෙස අපරාධ පරීක්ෂණ දෙපාර්තමේන්තුවට නියම කළ කෑගල්ල මහේස්ත‍්‍රාත් වාසනා නවරත්න මහත්මිය මෙම සිද්ධියට අදාලව සැකපිට අත්අඩංගුවට ගෙන රිමාන්ඞ් බාරයට පත් කොට සිටින කෑගල්ල ජ්‍යෙෂ්ඨ පොලිස් අධිකාරීවරයාට සහ සෙසු පොලිස් නිලධාරීන් තිදෙනාට ඇප නියම කරන්නැයි කළ ඉල්ලීම අද ප‍්‍රතිෙක්‍ෂප කළාය.
ඉන්ධන නොලැබීම සම්බන්ධයෙන් රඹුක්කන පැවැති උද්ඝෝෂණයකදී පොලිසිය කළ වෙඩි තැබීමකින් තරුණයකු මිය යෑමේ සිද්ධියට අදාළ පැමිනිල්ල කැඳවනු ලැබු අවස්ථාවේදී ඉදිරිපත් වු කරුණු සළකා බැලීමෙන් අනතුරුව එලෙස නියම කළ මහෙස්ත‍්‍රාත්වරිය සිද්ධියට අදාළව අත්අඩංගුවට ගෙන රිමාන්ඞ් බාරයට පත් කොට සිටින කෑගල්ල ජේ්‍යෂ්ඨ පොලිස් අධිකාරීවරයා සහ සෙසු පොලිස් නිලධාරීන් තිදෙනාට ඇප ලබාදුනහොත් විමර්ශනවලට බාධා එල්ල වීමට හා මහජන උද්ඝෝෂණ සිදුවිය හැකි බව සඳහන් කරමින් ඔවුන් ලබන 09 වැනිදා තෙක් තවදුරටත් රිමාන්ඞ් බාරයට පත් කළාය.
මෙම අපරාධයට අදාළ සිද්ධිය සම්බන්ධයෙන් කළ විමර්ශනවල ප‍්‍රගතිය එදින වාර්තා කරන ලෙස අපරාධ පරීක්ෂණ දෙපාර්තමෙන්තුවට අවධාරණ කළ මහෙස්ත‍්‍රතත්වරිය මේ රටේ විමර්ශනයක් කිරීමට මෙරට ඇති බලවත්ම ආයතනය වන අපරාධ පරීක්ෂණ දෙපාර්තමේන්තුව පිළිබඳ ජනතාව තුළ ඇති දැඩි විශ්වාසය පලූදු වන ආකාරයට කටයුතු නෙකරන ලෙසද දැනුම් දුන්නාය.
ඉන්ධන ඉල්ලා රඹුක්කන සමූපකාර ඉන්ධන පිරවුම්හළ ආසන්නයේ පසුගිය 19 වැනිදා පැවැත්වු උද්ඝෝෂණයේදී චමින්ද ලක්ෂාන් නමැති 41 හැවරිදි දෙදරු පියකු මිය ගොස් එම උද්ඝෝෂනයට එක්වු තවත් 13 දෙනෙක් තුවාල ලැබීමේ සිද්ධියට අදාළ පැමිණ’ල්ල කෑගල්ල මහේස්ත‍්‍රාත් අධිකරණයේ කැඳවන ලදී”
සිද්ධිය සම්බන්ධයෙන් කළ විමර්ශන වල ප‍්‍රගතිය දැක්වෙන වාර්තාවක් අපරාධ පරීක්ෂණ දෙපාර්තමේන්තුවේ නිලධාරීන් විසින් අධිකරණයට ඉදිරිපත් කරන ලදී”
