රටේ තිබෙන්නේ පාරිභෝගික සේවා අධිකාරිය ද, එහෙමත් නැත්නම් සමාගම් සේවා අධිකාරිය දැයි යන ප්රශ්නය මතුව ඇති බවත් පාරිභෝගිකයා රැක ගන්නට තිබෙන ආයතනය සමාගම් රැකගැනීමේ තැනට පත්ව ඇති බවත් විපක්ෂ නායකතුමා පවසයි.
පාරිභෝගික සේවා කටයුතු අමාත්යවරයා සමාගම් සේවා කටයුතු අමාත්යවරයා බවට පත්ව ඇති බව පැවසූ විපක්ෂ නායකවරයා මුළු ආණ්ඩුවම එකතුවී රටේ ජනතාව අන්දවමින් සිටින බවත් සඳහන් කළේය.
පසුගිය දිනවල ගෑස් ආශ්රිත පිපිරීම් 458 කට වැඩි ප්රමාණයක් සිදු වී ඇති බව පැවසූ විපක්ෂ නායකවරයා, ඒවා සාමාන්ය පිපිරීම් බවට විෂය භාර අමාත්යවරයා පැවසීම හාස්යයක් බවයි පෙන්වා දුන්නේ.
විපක්ෂ නායක සජිත් ප්රේමදාස මහතා මේ බව පැවසුවේ, සසුනට අරුණ සංකල්පය හරහා අම්බලන්තොට උඩබැරගම පුණ්යවර්ධනාරාමස්ථ ශ්රී ඛේමානන්ද දහම් පාසලේ ඉදිකරනු ලැබූ දහම්පාසැල් ගොඩනැගිල්ල විවෘත කිරීමේ අවස්ථාවට ඊයේ (08) එක්වෙමිනි.